mapatpatnag sirin ya ag diman nanengneng so lupay Arin akadiking. Et paulian tíla ya, itila ta oninom itayoy cerveza ya
inunot tayod bolaslás na lúyag yo!"
Akisalamat iramay balolaki et nambaraan lara ya imbaga ran ag ira oniinom na cerveza.
"Makapoy itan," Kuanen Simoun a napatpatnagan a sungpad linawa to; "maong so cerveza tan nangel koy P. Camorra ya mangibabaga niman nen kabuasan a say makasengeg na kakulangay biskeg a nanenengneng ed sayan bansa say karakel na danum ya iinomen day manaayam dia."
Si Isagani ya singá lawari katagey nen managlakoy alajas, nanpetek!
"Ibaga yo sirin ed kinen pári Camorra," kuanen Basilion ag impaunaan, a sinikil toy Isaganin agto impalikas ed Simoun, "ibaga yod sikato ta no danum komoy inomen to ya aliwan alak odino cerveza, mas dakel angankoy kaabigan a naala tayo, tan napaer so dakel a labir....
"Tan ibaga yo met ed sikato," kuanen Isaganin inarum, ya agto inasikasoy aminpigan panisikil nen kaaro to; "ta say danum masamit tan nayarin inomen, balet ta leneren toy alak tan cerveza tan sebseban toy apuy, tan no ipaluag manmaliw ya sengaw, no napasanok kabaliksan toy maatap a dayat, tan walay dinmalan a panaon ginalpong toy kapinalsaan tan niyegyeg toy mundon anggad karaldaleman to."
Intangwa nen Simoun so uló to tan anggaman ag nabasay walad mata to ta asaniban ira lantin may salming ton inanagan a magmagket, nanengneng ed banday lupa ton ag asaniban so inkikelawan to.
"¡Marakep ya ebat!" kuanto, "balet ta mapagaak a lureyen toak a tepeten to no kapigay panmaliw na danum a sengaw tan no kapigan manmaliw a dayat. Amta yo la si pári Camorra, aliwan masisia insan tuso."
"Sanó papetangey apuy, sanó nasabi agew a saray ankekelag ya ilog ya ataktakatak ira natan ed saray niaralem a
______________________
1 Say pisos a kastila ya ikakana dia ed Pilipinas awit tod pagpag so lupa nen Arin Alfonso XIII ya akadiking.
2Say labay ton ibaga samay delap a lapag nen panaon nen Noé, ya amatey ed amin a kapinalsaan likor labat ed Noé tan saray boleg to, tan sankaparis ed amin a pinalsa ya inlugan to rad biong to.
