kawalaanda et itoldon iray masulit a kapalaran tan mantitipon
irad lipnok a kokutkoten day totoo," kuay ebat nen Isagani.
"Andi, sinyor Simoun," kuan met nen Basilio ya tonoy bosis toy singa manggagalaw. "Magmaong so úliten yod sikato ra yan anlong ay a ginawa met lan lamang nen dilin kaarok ya Isagani:
- Kuanyo ta sikami danum tan apuy kayo ya marlang
- Ditan ed kaliktan yora, sikato lay abubonan!
- Manbilay itayo sirin lawas komod kareenan
- Ya petang na panbabakal ag itayo naimatonan!
- No agta diad kakabatan sikatayoy manoulop
- Ya diad petang na dalang to, ditan itayo natogiop
- Irangan so ipolisay tan andin balot so sanok,
- Ya sengaw so panmaliwan, elemento ya mabiskeg,
- Bolaslas, bilay, liwawa tan say kurang a marakep!
- "Utopía, utopía!"1 kuay ebat nen Simoun ya amagamaga;
maganó lan naapiger so mákina.....kaleganay panalagar, oninomak na cerveza."
Tan andi pasantabi tinaynan to ra may sankaaro, "Antoy nagagawan natan et nanmaliw kan kolkoliro?" kuay tepet nen Basilio.
"Awey, agko amta, et singa toak kebiewen iman a too, nayarin nibagan singa antakut ko."
"Sikil ak lan sikil ed sika....., agmo ta amta ya tatawagen day Cardenal Moreno?2
"Cardenal Moreno?"
"Odino Eminencia Negra, balang lay labay mo."
"Agko natatalusay ibabagam!"
"Si Richelieu³ walay panangipanonan ton capuchino4 ya tinawag day Eminencia Gris; saya ontan met so kipapasen tod Kapitan General....."
"Tua tan?"
________________________
1 Say talus to nian salita, sakey a kurang na Uley ya manaari labat ed nu- not balet ta ag onyari ed gawa, sakey a kurang na Uley ya napnoy kaptekan tan kaabigan. Nayari met ya italus a marakep a pamaakaran a napnoy kaabigan tan makapaliket ed kalapagan, balet ag nayari ed gawa.
2 Say talus na moreno kayumanggin kolor.
3 Cardenal tan duque, tan sakey ed saray sankamatudioan tan sankakaba- tan a politiko ed Francia, ya sikatoy Ministro nen Arin Luis XIII ya duamploy taon.
4Pári ya pransiskano.
