Inian day clek a dua.
"Tan sikatoyay akasengeg," kuanen Isaganin intuloy, "ya si pangamaen ko, ta masiado lantin maptek a panagnunot, agto labay so onsegep dimad ayaman day manbabayar na mabli ta mapagpagan tepetan nen Donya Victorina ya nipaakar ed kinen D. Tiburcio. Palurey ka! Nen kaamta nen Donya Victorinan wadiaak ed leksab nilimgis toak na nantarok na lurey....."
Diad saman a bekta, nitanlay Simoun ya onnakseb tan kanengneng tod saramay duaran tubonbalo.
"¡Adios, don Basilio," kuanton inlúgay ed tonoy bosis na mananulong bilang; "manbakasion kayo la?.... Kabaleyan yo ra?" kuanton impatumbok ya intoroy Isagani.
Inkabat nen Basilioy Isagani, tan impatumbok ton agto kabaleyan, balet ta nanasinggeray báley da. Say panaayaman nen Isagani diad biek na libsong. Ontan lay panangimano nen Simoun ed kinen Isagani ya saya naalipanesan tan inarap to la laingen ya aminpinsan a minuria tod lupan singá bilang labay ton sebegen.
"Antoy bilay dimad luyag cy?" kuay tepet nen Simoun a pinmigar ed Basilio.
"Akin, agyo sirin amta?"
"Panon lamet so pakaamtak no agko ni agatigatinan ey?" Say kuanda so anggapod man konoy kuarta tan anggapoy mansasaliw na alajas."
"Agkami mansasaliw na alajas ta agmi nakaukolan," kuanen Isaganin biglabiglá ta apasakitay liknaan to ta luyag to lanti.
Akaimis si Simoun.
"Agyo liliknaen ta anggapoy mauges a gagalak, et manlapod impasiguro rad siak ya indio ran amin so kúra cd kabal- báleyan, inkuankod nunot kon díli: saray papárin ampoti panpatpateyan day mankúra, sara met so pransiskano pasasaragen da ray sankamapobrian a balbáley, kaniantin no sakey tan sakey ed sikara et ipapalabi ra ed saray párin andeket,"1
____________________
1 Say sotana ono kawes day papárin indio nen saman andeket kanian tatawagen da ray papárin andeket a pidomaan dad saray papárin kastila.
