a si General so angiganggan nian rebulusion; diad saray arum
balet say imbagak saray papári mangigaganggan. Wala ra met
so sinaliw koy marakerakep iran sipan, walaray impapasen kod
pananapan day bilay, walaray pinilak ko; balet ta dakel met ed
sikaray mimila rad siak nisesengeg ed pilalek dan makabales,
ta mapalaloy kapapaunong da, tan say pakatalus da so no ag
ira mamatey, sikaray pateyen.... Wadtan ed leksab si Kabe
sang Tales ya inulop toak ya angga dia. Umanen ko lamet a
tepeten.....mila kayod sikami odino mas lablabayen yon ipalaray inkasikayod sanok day kaibak? Diad onia ran maatap a
kipapasen say mamegley asingsingger a naayat toy sanok na
biek tan biek."
Aminpigan inaplos nen Basilioy lima tod lupa to ya singa bilang labay toy naliing ed kugip ton makapataktakut. Singa ismay so muling to.
"Mandisidi kayo!" kuan lamet nen Simoun.
"Antoy... antoy pagawa yod siak ey?" kuay tepet nen Basilio cd bosis ya linmereg, manggiwgiw tan makalkalna.
"Sankainomayan," kuanen Simoun a linmiwaway lupa tod sinag na ilalo," manlapod siak so mangikurang na alsada, agko labay sa natalibaga ed anggan anton arum iran gagaween. Nakaukolan ko ya no say nunot day totood siudad et atayak ed nagsisananey a pasen, ipangulo yoy sakey a togiop a looban yoy konbintoy Santa Clara tan ipaway yoy sakey ya toon bukor yo labat, likod ed siak tan si Kapitan Tiago, so makabirbir anggapoy dalanen yon kaatapan."
"Maria Clara!" kuanen Basilion ag apukpokan.
"On, si Maria Clara!" kuay Simoun ya inoman, tan saman labat alikas ed bosis toy panangasi tan ermen; "labay kon ilaban, nisengeg ed pangilaban kod sikato nilabay koy manbilay, tan pinmawilak ... . Imparaan ko yan rebulusion ta bukor na rebulusion so makapangilukas na pinto ray konbinto."
"Ay!" kuanen Basilio ya inpandakop iray lima to; "atantay insabi yo, masiadon atantan!"
"Akin ey?" kuanen Simoun a sinilot iray kirep to.
"Inatey lay Maria Clara!"
Akaluksoy Simoun a tinakbaan toy Basilio.
"Inatey?" kuantod bosis a makakebiew.
"Natay ngarem, a las seis; natan inyan da la angankod...."
