petang na uló to, tan sipaparaan lan onsangal lamet ta pian
makaloob a mansalita met ed polok da ran may mantotungtong.
Saraya nannenengnengan iran napnoy pága, balet ta unong ed siglat na panagnunot na sakey a general, inlaban ira nen managlakoy alajas a Simoun:
"Say polaing magmainomay," kuantod tanol na bosis a sansananey, singa laok na pananalita ray ingles tan saray amerikano ed Sur; "Tan siak a díli pankelawan ko no akin et anggapoy akanunot."
Amin a wadman inarap da ya tatalinengen dan maong so ibábaga to, pati samay párin dominiko. Samay alajiro sakey a lakin anawet ya impanlaman, atagey, mabirebirel iray ulat to, kulor toy atagey a kayumanggi, diad panangawes singa saray ingles, tan nansombriroy sobastopol a tinsim. Say makatawag na imano ed sikato say buck ton andukey ya ampotin aminpinsan, a selang a tuloy ed balbas ton andeket tan malasay a mangibabagay dalá ton mestiso. Ta piano ag naseleng na liwaway agew, akasalming a lanang na inanágan ya ankakabaleg ya asaniban ton aminpinsan iray matá to tan bandad tagey ya aping to, ya singa nengneng toy bulag odino walay sakit tod matá. Manalaglagey ya akakayang a singa bilang labay ton simbangey laman to, tan akakasnong iray lima to ed bolsay jacket to.
"Say polaing magmainomay," kuanton inoman, tan anggapoy gastosen a ni sakey kuarta."¹
Adoblian so itatalineng dad sikato. Say dengeldengel ed Ibale so saman a too totuloken nen Kapitan General, kanian amin day wadman singa da la sankanengneng a nagagawa may ibábaga to. Pati si Don Custodio pinmigar ya inmarap ed sikato.
"Manggaway kanal a maptek a manlapod wangalay ilog ya anggad sabangan a betakan toy Ibale, ya say labay kon ibagad saya so panggaway balon kanal a dalaney ilog tan tambakan so gendat ya ilog a Pasig. Diad onia onawang so nataneman a dálin, napatikeyan so dalan, insan napasakbayan lay ipatalan na ilog."
________________________
1 Ikakana yan klasi kuarta nen saman, a say sanlasus tan anemaplon kuarta, singa pisos tayo natan.
