Mapatnag lan seselengen da, ta masarag lay impangisinyas toy
lima to pian tinmonda ran tampol iramay duara ed bektan
samay párin singa artillero et sasalitaen to ray apalpalabas tod
bilay, tan samay sumusulat a nengneng na párin ampoti et
sasalitaen to ray totoon makabat.
"Saray totoon makabat, Ben Zayb, amta yo no anto ra?" kuanen pransiskano ed bosis ton araldalem, ya ag ginmalaw dimad panyoryurongan to no agta intagey to labat na samsamet ira may kapukepukel a lima to. "Nitan ed luyag so puente del Capricho1 ya impaalagey na sakey ya agi min pransiskano tan ag asumpal ta manlapod unong ed totuntonen dan inaral da, saray totoon makabat et imbaga ran aliwan mabiskeg, tan maatap. Nengneng yo pa balet! anggad natan manalaglagey ni ya agni nikanas na anggan delap, tan agmet nigebay dinan man a linmabas a yegyeg!"
"Sikato tan, puñales, sikato tan so ibagak lawari!" kuanen párin artillero ya aminpigan intabig toy poniti to ed lima ton may yurongan ton kawayan; "satan, say puente del Capricho tan saray totoon makabat; sikato tay ibagak lawari, pári Salvi, puñales!"
Si Ben Zayb ag inmesel ya imisinisan, nisengeg ed pananeleng to lági ed kinen pári Salví odino anggapo met so amta ton yebat, et ontan man, bukbukor to balet so toon aralem so panagnunot to ed Pilipinas!.....Si pári Irene ipapatnag toy abubon to ya mantanger tan apaplosen to may eleng ton andukerukey.
Si pári Salvi, samay párin ampoti ya mabmabeng a pukel tan baog labat so nengneng to, singa bilang nagnap so linawa tod onman lan katutulok da, tan intuloy toy nansalita ed agawan keneng.
"Aliwan say labay to nian ibaga so makulang kayoy pankatonungan nen si pári Camorra (sikatoyay ngaran ton may párin lupay artillero) say kaugsan wala ed libsong..."
"Sikato tan lanti, ta anggapoy maong a libsong ed sayan bansá!" kuanen Donya Victorinan insalet, a pinasia lay
__________________________
1 Sakey ya ed saray taytay ya impapaalagey day papárin ampoti nen saramay panaon ya anggapa ni Buró de Obras Publicas (Bureau of Public
Works). No mamapaalagey iray bengat la, salad tay ompaway (palbengan)
ta agda met lanti inaral, tan say pankikimeyen da saray indio ya agda met
ira oupaan. Sayay sasalitaen a taytay wala ed Lukban, diad ilog na Olla, tan
say inkana labat minasa ya buer tan dená, argamasa ya kuan.
