Talinduaay Quiroga, ta mapalaloy takut tod armas. Dimad lamisaan to walay revolver ya anggapoy bala to et anggaman onia ni agton balot didiwiten no ag onarap cd bick ya ilikdem to ni.
"No agyo nayarian, onasingger ak ed arum balet ta nakaukolan ko may siam a liboy pisos ya ipalkap kod lima ra pian ilikdem da."
"Dali, dali! Maong silin, maong silin!" kuanen Quiroga lanlamang; "balet paipiliso yo dakel too, a? Paunaan yo dakel abong, a?"
Nen ompawil si Quiroga tan si Simoun ed salas wadman la ra may ayári lan nandem a masaysayaksak iran mantotungtong; akainom iray champagne kanian binmilay so ulat da tan malabilabir ira. Anggapoy sangga ran mansasalita.
Diad sakey a doipon kawalaan day akamayamay a empliado, pigaran sinyora tan si Don Custodio, sasalitaen so ulop ya imbakid India ya mangaral na nipaakar ed sapatos day sondalo.
"Sioparay onla ey?" kuay tepet na sakey a sinyoran matatken la.
"Sakey a Koronel. duaran opisial tan si kaanakan nen Kapitan General.¹
"Apatira ra?" kuay sakey ya cmpliado; "agay lay karakel ey! No ag ira makapanaabet ey? Sakey ni, sarag da kasi?" "Sikato tan met so tinepet ko," kuay sakey met ya inarom; "say kuanda ta nakaukolan a walay sakey ya onlan anggapoy akibibiangan tod saray militar.....singa bilang sakey a sapatiro.....
"Susto tan," kuay ebat na sakey a managlakoy sapatos ya aliwa ran gawad Pilipinas, "balet ta agmet lanti nayari mangibaki sakey ya indio ono sakey ya intsik, insan say alenleneg a sapatiro dian kastila ya nanlapod España et atagtagey so kekerewen ton bayar....."
_________________
1 Nen panaon ya impanuley nen Kapitan General Terrero dia ed Pilipi- nas, walaray pigaran imbakid India ya manaliw na labinduan kabayo ya bunaten; sakey ed saray nibaki kaanakan nen Terrero oficial quinto de Hacien da; balet ta anggapoy imbakin veterinario. Akagastos so Uley na liboliboy pisos, et anggapoy asumpalan to nian kanunotan, tan saramay kabayo nansumpalan day inlalakay mamurmura ya nanpirdian iran maong, ed totoo ran partikular.
