Diad lábi ton man lan lamang a sábado, si intsik Quiroga1 ya pilalek toy mangipasen diad Pilipinas na sakey a konsulado na bansa to, angiter na pandeman ed tagey na baleg a tindaan to ya walad lansangan a tatawagey Escolta. Dakdakel so dinmágop cd sayan pista: papárin ampoti, empliado rad gobierno, saray militar, saray komersiante, amin iray súki to, saray kamuyong to, tan saray manutúlong ed sikato, wadman iran amin; say tindaan to so manaabasto ed saray kúra tan saray konbinto na amin a nakaukolan da, papautangen toy tagilako toray amin a mankikimey ed gobierno tan walaray manaayam ed sikaton matour, mapagusto tan makulí. Saray dílin papári napasasarag day manayam a mamalabas na andukey a oras dimad tindaan to, diad arap man a sankanengneng iray amin a too, odino diman irad ayaman ed beneg ya apakpaknaan da ray kaulop da.....
Saman a lábi makatawag na imanoy nengneng na salas. Napnoy papári tan empliado ya akayurong irad taburete ran Viena tan ankelag iran bankon mármol ya nansasali kiew ya andeket a nanlalapod Canton, ed liber na ankelag iran lamisaan a kuadrado ya mansusugal na 'tresillo2 odino mantotungtong, a walad abay da ray maliwliwawa ran lamparaan a kolor na balitok, odino makuykuyep iran parol a gawad China ya pinaparakep na andurukey a borlas a sutla. Wadman iran nanlalaok ed dingding so kuadro ran pakanengnengay mareereen iran pasen ya say maslak a kolor da inanágan, tan masilesileng
_________________
- 1 Si intsik Quiroga andi duma tod intsik V. . ., ya mayaman tan walay tindaan ton baleg ed Ibále, ya kawalaay amin a sasaliwen ya singa saray ankakabaleg a bazar ed Europa. Kuanday managtalabutob ta dimad ayaman ed tagey na tindaan to, wala ray silir ya intadia, ya lalaen day arum a paparid Ibále (ya ag ina mankanawnawan singa saray papárid lúyag) ya pibabanaan dan makasengeg ed gáwa ran aliwan masantos; kuanda ni ta si dílín intsik so mangipaparaan ed sarayan panbabana.
- 2 Sakey a klasi sugal na nipis.
-163-
