iran impipintan bibiin asawa ray sultan,1 bibii ran mankankaninag iray kawes da, estampa ray Kristo ya lupa ray miloblubayan ed lupay bii, tan kuadro ran pakanengnengay ipapatey na
maong a too, tan ipapatey na makasalanan, ya gawa ray judio
ya manaayam ed Alemania tan intalaga ran ilako ed saray bansan katoliko. Agmet kinmulang so estampa ran intsik ya impipintad papil ya ambalanga a pakanengnengay sakey a lakin
akayurong a napnoy deen, binta tan kagalangan, tan lupa toy
manimimis, ya iba ton manalaglagey ed beneg toy sakey ya
igaganggan to ya makapkapoy a laki, makapataktakut, napnoy
duksa tan kasiliban, ya nengneng toy mamagiaw tan sankabenbenan toy sakey a pika ya tarem toy malapar tan makmakdem;
say pananawag day arum ya indio cd sayan too, Mahoma, saray arum, Santiago," ya ag amta no antoy makasengeg; pati saray intsik agda met amta no akin et duaray amta ray totoon
ngaran to. Ompanod sarayan nanengneng so tanol na ipapaltog na pulet day lulukasan a botelyay alak a champagne, say
pantatankiyay kopa, elek, asewek na tabáko, say sansananey ya
angob ed abong na intsik, ya singa nanlalaok ya angob na ambalbalingit ya asewek na balsig na kiew a pupoulan, apian, tan
bongabongá ran impamaga....
Si intsik Quiroga ya nansulong na kawes na mandarin³ tan nan gorray nanborlas na inanágan, basilbasil ed bick tan bick iran silir a makmaktek so indengan to, balet ta ipaspasekiap to met iray mata ton maniimanon maong, ya singa bilang isisiguro ton anggapoy makademet na anggan anto. Et anggaman agtoya natilak ya inkainap to, pasamanod biek tan biek met balet so gagaween to, ilulugay to ray arum ya imis toy maulimek tan inapipiger, walara met so ibabano to ya nengneng toy singa natutulongan to ra, tan ontan met ya nantarok na aralem a kasilibay awawey tod saray arum a singa ibabaga toy:
"Amtak! Say akasengeg na inakaran yo dia aliwan siak, say kanen."
__________________
- 1 Wala ray bansa ed Europa ya sultan so pananawag dad ari ra, tan saraya nayarian day mangasawa na say labay dan karakel, tan say palasio ya ayaman da ra nian bibii say ngaran to harem. Onia met ed China nen inmona ran panaon.
- 2 Ngaray santo a patrón na España.
- 3 Diad China sikatoy panangingaran dad toon tinoroy emperador ya manuley ed sakoy a siudad tan empasen met ya Okum.
