Insan inmalagcy, intapew ton maararoy lima to ed abalá nen Isagani tan inkuan ton intuloy:
"Itdan takayoy sakcy a bilin a mababig ta sankanengneng kon matudió kayon impanguló tan amtak ya ag nadarak so ibagak. Manaaral kayoy Medicina? Aral yo labat so panangiyay pakpakep, panangipaketket na lintá, tan agkayon balot mibibiang a paabigen odino pakapoyen so kipapasen day kapara yon totoo. Naani no doktor kila, mangasawa kayoy sakey a marikit a mayaman tan masantos, apiger yoy pananambal yo tan lalo lay panagsingil yo, tan paliisan yon amin so bengatlan nipaakar ed kipapásey bansá, mimisa kayo, mankonpisar tan mangako kayo no ontay gaween day arum, tan nengneng yo no agyo ya pisalamatan ed siak naani, tan nabantayan takayo met nin maliket no bilang nabibilay ak ni. Nunot yo lawas ya say matonung a panangasi onggapo ed laman a díli, tan say nepog a takpaney sakey a too diad tapew na dálin, sa labat so anggaay nagamoran ton liket a para sikaton díli, unong na inkuan nen Bentham; no ilulot yo ra tay kanunotan yo ran panaglinkor ed arum a too agyo nasumpal so aral yo, agkayo makaasawa, agkayo makaaligwás ed bilay. Paulian da kayon amin tan sara lanlamang so kabaleyan yo ran díli so ononaonan onelek ed sikayo. Sisia yoak, nanunotan yoak itan naani, tan itdan yoak na pankatonungan..... naani no ampoti lay buck yo, no wala laray uban yon singa saraya ay!"
Tan si abogadon masiken binenbenan ton intagey so malasay a buek ton ampoti, ya manimimis na maerermen tan manpeyeng.
"Naani no wala laray uban kon singa sikayo, sinyor," kuay ebat nen Isagani ed bosis met ya maerermen, "tan ilingay koray matak ed linmabas iran taon insan nanengneng kon nankimey ak labat na onkanad kaabigan kon dili ya anggapon balot so ginawak a nayarian ko tan kanepegan ko komon a gaween ya onkanad bansan angiter ed siak na amin a pati dílin inkasiak aya, ni anton mogmon onkanad saray mibábaley a tinmolong ed siak ed bilay, diad satan, sinyor, kapag sakey ya uban aliling tod siak so sakey a sabit, tan inbis ya itagey koray uban ko, ibaing ko nira ingen!"
Tan kapanbalikas toy onia, angilúgay a magalgalang tan imanla.
