yo ray dilin pankatunongan mi tan sara met so likeliket mi."
Tan manlapod pappaulian dan anggapoy amaat ed sikato, mantuboy liket na linawa ton mansasalita ya asabisabi to lan asalitay pati arapen a sabiey Pilipinas.
"Unong na ibabagak ed sikayo, sinyores, say ipclnak na liwawa manasingger la; say España ibubuskag toy letakan ed inararo ton Pilipinas, say panaon mangouman la ya amtak a petepeteg ya diad katuaan mas masiglat ni nen say isisipen tayo. Satan ya Uley ya unong ed pakatalus yo et manduarua tan anggapoy sekder na linawa ton díli, lalon abig komon no pabisk egen tayoy linawa to na pananisia tayod sikato ya ipanengneng tayon sikatoy paniilaloan tayo; ipanunot tid sikato komon ed pikukono tayo (no bilang nalingoanan to anggaman agko ilaloan yan nagawa), ya mabiskeg so pananisia tayo ed kaabigan day pilalek tan kanunotan tora, tan say ag manepeg ya panumbok tod arum no ag bukor bengat say katonungan tan say kaabigan day totoon ouleyan to. Andi, sinyores," kuanton intuloy ed tonoy bosis ya andilay duma tod mandidiskursɔ, "ag manepeg ya akoen tayon nipaakar ed sayan pamaakaran so kiyari na pangisimbat ed arum iran togiop ya onsusumlang, ta sa labat so pannunot nia kabaliksan toy singa pasaragen tilan akoen. Anggad natan say walna yo maparungtal, matour, andin duarúa, andin pagpága; saray kaliktan yo, ibcbesngaw yo rad sikato ed yanoyanon panangibaga ya matintinunos tan mimiarapan kayon agyo ipapadalan ed masuliwet, tan saray imparungtal yon makasengeg napno ray katonungan; say gagala yo so palemewan yoy kimcy day bomabangat ed onaan iran taon, tan pamainomay yoy pakaaral na nilasus iran manaaral a papanoen da ray eskuilaan a diad karakel da et agla ra nasabaan ya asikasoey saksakey a maistro. No anggad natan et agyoni agamoray kerew yo, diad pakatalus ko ta andi arum a makasengeg no ag say agni naasikaso ta say karakel na abonton a kimey; balet ta nayarian ko lan ipasakbay ya analo kila, ya say anawagan nen Makaraig ed sikayo say pangipakabat toy impakagamor yo lay pilalek yo, tan nabuas natumangan la ray sagsagpot tayo na tipak tan dayew tan pisasalamat na bansá, tan siopay makapangibaga, sinyores, no say dílin Uley et tumangan to kayon pagalangan a pakanengnengan ed kaabigan ya agamoray bansá nisesengeg ed kimey yo ra."
