est, quia vocatur superficies, facies ea quae supra videtur,1
akoen mo ono andi?"
Si pangaskasíyan a tubonbalo lalon binmegas so buck to ya singa alday dinagdag na makapangipaarap ed tagey a biskeg.
"Akoen mo ono agmo akoen?"
"Anggan anto ladtan, salay labay yo, Amá" kuay walad nunot to balet ta antakut ton ibaga ompan elekan da. Agto ni asalsali apildit na onia, sankaugsan layan asagmak to. Anggaman aliwan malinlinew ed sikato no akin, singa natalusan ton makapoy so mangakoy anggan antotan ya andi kakabaliksan ed saray papári, ta nayarin pansengegay pakalaan day nambabangil a makapaabig ed sikara, ya nayarin natasian yay dakel iran hacienda ra tan ankabaleg iran báley a pankukuraan da. Kanian pupuyanay angjel a bantay ton ag mangakoy bengatla tan sekderan to yan anggaay biskeg na kamarerua to tan buek ton akaalagey; kuanto lan ibagan ikasikasil so nego² ta sa lanti anggapoy akoen to et anggapoy sakit na uló to, unong na imbagad sikaton aminsan na sakey ya abogado; anggapo ta sa lanti mauges a pasal ya italirak so konsiensian díli, tan kakulangay pananisia ed saray nanaral na dalay katonungan, tan say panilalod, tulong day arum anta sarasarag a bukor, sikarayay angipalusot ed sikato. Saray ibiba to sisinyasan dan akoen to la, lalo lay Juanito Pelaez, tan diad impanagdag na mauges a kapalaran to, "Akoen ko, Amá," kuantod bosis a nalelemay a singa bilang pangibaga toy: In manus tuas commendo spiritum meum.³
"Concedo antecedentem,4 inoman nen katedrátikon imbaga ya imis toy nantarok na kaugsan;" ergo5 nayarian kon karkarey azogue ed beneg na espejon salming, salatan koy sankategteg a bibinka, wala nin siansiay espejo, ja? Antoy wala?"
Si tubonbalo lingawlingaw ed saramay managdikta tan nen anengneng ton amangá ra ya anggapoy amta ran ibaga, pinmintad lupa toy ampaipait a tetel. Deus meus, Deus meus,
_______________________
- 1 Anggan antoy walad paway, lapod tatawagey tapew, sa siri nanengneng
ed beneg to, tapew met.
- 2 Nego-Agko akoen.
- 3"Diad saray liman ipatron koy kamareruak." Komapiton salitay Kata-
wen nen manpanabus ed tagey na krus ya angipasakan ed sikato.
- 4 Akoen koy akaona.
No ontan sirin.
