"Saray inmona, saray gansa, gambang odino impanlalaok a nanduruman metal, tan saray komadua palanas a salming a pinasileng ed biek tan biek tan pineketan ed sakey a pagpag na laok na metal ya ininay estaño."
"Tun, tun tun! Aliwan satay tetepeten ko, Dominus vobiscum,1 kuan kod sika, ebatan moak na requiescat in pace!"
Tan si marunong a catedrático inoman toy tepet ed panangastilad tindaan a mabetbetbet so panangisalet toy balansik na salita ton anto tan panon.
Si estudiante kalamor agto la amtay pamalbengn to. Manduarua no ipila toy batolinew ed saray metal, si mármol ed saray salming no ibiig toy sabatsi, anggad ag ginapoan nen kaabay ton Juanito ya diniktaan ya ag impalikas:
"Say espejon batolinew akilad saray espejon kiew!"
Si estudiante bengatbengat to ya tinumbok tan manbulitektek so kapalduan klasi.
"Maong ka salón batolinew!" kuanen catedrático ya ag to apukpokay impakalek to "Nengnengen pa no dinay tawagen moy espejo: say tapew per se, in quantum est superficies³ ono say makantapew ya tinapewan to, ya naumay accidente ya tapew, ta mapatnag lan lapod say tapew et accidente labat ono milmila labat ed bengatlan angitapewan, ag napawala no anggapoy tapewan to. Antoka, antoy kuanmod saya ey?"
"Siak? Anggapo!" kuay yebat wari nen pangaskasıyan ya estudiante ya agto la amta kalamor no antoy sasalitaen tal naelaw lad karakel na tapew tan accidente ya singara mamartilyoen ya andi panangasi layag to, balet amemet na kababaingan, tan manlinglinget ed irap to, inggapo to lamet ya inuman ya inmeremerey:
"Ingangaray espejo so amin a tapew a pinasileng.....'
"Ergo, per te4 say tapew sikatoy espejo," kuanen profesor ta sikatoy adukdok tod ibabaga nen estudiante. "Natan sirin paliwawam ya: No say tapew et sikatoy espejo anggapo sirin so biang na tinapewan to ya walad beneg, ta say walad beneg anggapoy biang tod walad arap, id est,5 ya tapew, quae super faciem
________________________
- 1 Say Kataway walad sikayo,
- 2 Manpainawa komon ed kareenan.
- 3 Diad inkasikaton dili, ed kipapasen ton tapew.
- 4 No ontan sirin, diad sika.
- 5 Ya say labay ya ibaga.
