quare dereliquiste me,1 kuay sankanengneng ed sankaermenan
iran matá to, legay bibil ton imeremercy: linintikan!2 Sigam
a sigam, aplos lan aplos ed arap na aysing to, panbalbalesan toy
salí ton belatan, et anggapoy naalmo ton yebat.
"Ebatan moak; antoy wala?" kuanen catedráticon ipapasout a singa to panliliketay inkagagá nen estudiante ed impangatonungan ono impangargumento to.
"Bibinka!" kuay inesaes nen Juanito Pelaez, "bibinka!"
"Agka maingal, sika alintaweng!" kuanen nakalan lay ilalon tubonbalo ya inkasil, ta labay toy onliktas ed inkapildit to ya panmaliwen ton kulkol.
"Nengnengen pa, Juanito, no naebatan moy tepet ko!" kuanen catedrático ed Pelaez.
Saya ta sakey ed saray inaro nen catedrático, inmalagey a matantantan, balet ta siníkil tonin inmanoy Plácido Penitente ya manumtumbok ed sikato ed listaan.
"Asikasom, diktaan moak!" kuay labay ton ibagan may impanikil to.
"Nego consecuentiam,3 Amá!" kuay ebat ton andi abala.
"Aha! no ontan probo consecuentiam! Per te,6 say masileng a tapew sikatoy espejo.....”
"Nego suppositum!"6 kuay insalabat nen Juanito nen alikas ton bibintulen nen Placidoy amerikana to.
"Panon? Per te....."
"Nego!"
"No ontan sirin, diad pakaisip mo so say walad beneg walay biang tod walad arap?"
"Nego!" kuanton lalon inkasil to ta alikas ton abintol lamet so amerikana to.
Si Juanito, adino si Plácido ya manidiktad sikato, agto naamamtaay pangikakana toy táktika ray intsik ya anggapoy akoen dan parawesen a sankaili ya anggan antoy abig ton too piano ag ira naiooban.
"Antoy asumpalan tayo sirin ey?" kuay tepet nen drático ya agagay daiset, a sankanengneng ton singa mapag-
_________________________
- 1 "Dios ko, Dios ko, akit siak so inkaindan mo!
- 2 Inatutay karol!
- 3 Agko akoey asumpalan.
- 4 Ipanengneng koy katuaay asumpalan.
- 5 Diad sika.
- 6 Agko akoey kiyári ton tan.
