to tan manketket cd bibil to, kapag nalingo ono natalibagay
pári Sibyla, odino aliway sugal ono descarte to, balet ta agmet
empangayan mangibulos na salita nisesengeg ed pananerleng
tod samay dominiko; ibabawi to balet ed panagdansak tod kinen pári Irene ya igagaton ton maambog tan sipsip, kanian
lelemlemewen ton agto italtalek. Si pári Sibyla agto aasikasoen, ni kitawey ton nengnengen, palpaulian ton ngorongorón
manpungés; si pári Irene ta maulimek a linawa paitepel, ya
apaplosen to lambengat imay eleng ton andukerukey. Si Kapitan General nalíliketan, tan aanamoten to, a singa maong bilang a manugal, ya unong na ipapparakalis nen pári Irene, so
kalilingo daray kasugal to. Ag natetebek kalamor nen pári
Camorra ya say susugalen ed saman a lamisaan et say pakalaem
dad aral na saray pilipino, tan pangiabuloy na pangibangat ed
sikaray salitay kastila, ta no amta to labat malikeliket met
komon lági ya akinunong.
Mapalpalayupoy ya onloloob so ambetebetel tan masamsamit a dagem dimad silulukas a balkon, tan sankanengneng so libsong a saray danum to et manesesaes irad man ed sisiksikdakan dan padir na abong a singara mangilulúgay. Diad nikawanan ed bandad aragdáwi, sankanengneng so polo na Talim a kolor toy malinlinew ya inanágan; dimad pegley na libsong ed petek lawari abong wala met so polon melag a malabóyong, say polo na Kalamba ya anggapoy manaayam, tan inkatábas toy singa pisag a bulan; diad nikáwigi samay marakep a baybay a singa binoburdaay kakawayanan, sakey a pa- iandey a melag a wanwandagan toy amin a libsong, manumtumbok so maawang iran kaumaan, insan onsublay so atep iran ambalangá ya nisaletsalet ed magket a malabóyong day kakiyewan, a sikatoyay báley na Kalamba; diad aragdawi ni, say gilig na libsong a singa pinmanat ya anggad nagawat na matá tan diad beneg danian amin, say tawen a singa linmosor ya inmabet ed danum tan singa impanmaliw tomay libsong a dayat tan konwarin apatuá toy panatawag day indio ya dayat a matabang.
Dimad sakey a suyok na salas wadman si sekretario ya akayurong ed arap na lamisaan a melag a napnoy papipapil. Si Kapitan General makulí tan agto labay so mandarak na oras, kanian isasaletsalet toy pankimey to ed nanlalaetay sugal, tan legan a susuksuken tan ibubunog iray nipis. No peles na sugal
