No tungtongey tua si Kapitan General apakpaknaan toy agawa tan malikeliket inter se ta,1 panon bilang ta akanengneng na olsá insan agto nakna ey, sakcy ed saray olsa bilang ya agda amtay manepeg a gaween a nipaakar ed politika? Iner so nakar na galang na España ed satan ey? Anto? kuanda lági katoowan. Sakey a Kapitan General na Pilipinas agto napuntay olsán paltogen to, ya alabas nen balobalon manaaral a manganop? Antoy ibaga daray indion dakel ed sikaray maong ya umaanop ey? Napaabebay atagey a kipapasey Inan Bansá.....
Kaniantin si Kapitan General a konwarin imis toy pinaspasout tan nengneng toy umaanop a naapay ilalo to, ingganggan toy ipawil dalan andi abála ed Los Baños. Legay papáwil ya impanbaroy da, tinotungtong ton singa anggapo labat bilang so walad sikato, so abig na impangaanop tod katákelan irad España, tan pananalita toy nantarok na lurey tan ag pangitaltalek ya oninangay ed inkagawa, no nakalamit so pananganop diad Pilipinas. No diad sikato labat, saray amesan ed Dampalit (Daang paliit)2 saray subol a manleluag ed gilig na libsong, sugal na tresillo3 ed dilin palasio, tan ipaspasiar no maminsan ed asingger iran pasen a kawalaay danum a manpaplag, odino anggan diman nid libsong a karaklay buayá, mas kaliktan toni, tan daiset ni kaatapan a niiter dad atagey a galang na Inan Bansá.
Diad mansumpal so bulay diciembre, misusugal na tresilloy Kapitan General dimad salas, legan ton manaalagar na almusal. Kasumsumpal ton nanamés tan inminom na sanbason tabol na niog ya malanguer ya iba toy kinayos a laman ton anlemlemek. Kanian maong so uló to ya kaabibigan a kereway bengabengat lan panangasi ono pamalamkap. Sakey nin mangiiter na abig na uló to ta manatálo, ta si pári Irene tan pári Sibyla ya kasugal to, gagagalaen day manpapatálo anggaman gagaween da met so anggaay nayarian da ya ag ipalíkas, ya ontan lay ingungot nen pári Camorra ed sikara ta manlapod kasabisabí tod saman a kabuasan agda nipasakbay ed sikato ranmay iba ton misusugal a papári so gagála ran gaween ed kinen Kapitan General. Si pári Camorra ta papasiaen toy manusugal, manbalangay lupa
____________________
1 Diad inkasikatan dili, ono diad loob to.
2Dalan a mainget.
3 Sugal na nipis.
