batu at pantyun at ila mong pipiblas at pasanting
kanitang lubas a kapangitan. Nung misan akakwa ra
pang sasaliksik karing byak da ring batung inaspak
ning ayun ba’rang ipampan king panimanman ing kilub
dang ala nang laman ding pantyun.
Kalub tamu, ding tau tinabi ra no ring animal. Dapot atin pang metung o adwang babi a e mu kararagling apapulayan. Lon me itang metung, papalput ne ing buntuk na ketang busbus ning bakud at maglalawe ya karetang mangalati nang mata. Oyta, tatas ne ing pambuk na at ngana wari ketang metung a babaing mangadi:
"E mu sa kakanan ngan, taganan mu kung ditak,ane?”
Detang adwa katau kukulkulan de ing metung a aun lele ning bakud a batu a malapit nang mibwal. Ing metung ya ing bante king kutkutan at kukulkul yang anti mong alang nanu naman. Pamalugse no ring butul at galudgud a asasakyud na anti mong metung a hardinerung manugse batu at yamut a malangi. Itang metung naman e mipaindatun, mipapawas ya, makasigarilyu at balang penandit, lulura.
“O abe,” ngana king amanung tagalug, ning makasigarilyu. "E masanting nung king aliwang lugal karin ka ta kulkol? Ing aun a ini bayu ya pamu."
“Ika pala, bayu la ngan deng aun a ren.”
“Ay, abe, e naku malyari. Yang butul a apirasu mu, Ion mu nya, daraya ya pa. .. hmm! At Ion mu ingbwak! ”
“Kayna mu naman a dungos,” nganing abe na. "Balamu wala eskribyente ka king Munisipyu. Nung kinulkul na kang anti mo aku inyang aunan ke ing bangke ning taung adwa pamung aldo mete, bengi pa, madalumdum, mumuran. . . at kipdanan ku pang sulugi...
Mengaligkig ya ing abe na.
"Ing kabaung mispak ya at linto yang ditak ing mete, mabuluk.. . at nung papusan de pa keka, at anti ning mumuran, mebasa keng parehu. .. at. .
"Urr.. . ! O ba't naman inaun me?"
Ing bante-kutkutan linawe neng makapamulala.
