nawa no king katahimikan. Ing pelalung maki mayap
a kapagnasan, isipa'nang detang inkung na pa king tud
mananangnang la mu king Purgatorio at nung sakali
man ya kabud e ya manabu king Infierno, malyari no
pang akayabe ring kamaganak na king Purgatorio king
makabang panaun. Nung ninu mang e maniwala kaniti,
dumalo nyamu karing pisamban at karing kamposantu
ning bansa king aldo iti, magumasid ya at akit na. At
anti ning ati tamu king balen San Diego yapa taya ing
kamposantu na.
Banda king albugan, libutad ning palayan, karing ya ing sementeryu ning baryu aliwa ing lungsud. Ing gasgas a papunta karin makitid ya mu at mayalikabuk neng kaleldo at makapamangka na ka man neng kauran. Ing pasbul na dutung ya, makabakud ne mang kapitna batu kapitna kwayan at maki estaka. Anti ya mong makakawani king lugal ding memalen, dapot karin Iwal-lungub la ring kambing ning cura at ding babi ra ding makalele tuknangan a mamamanalugsug karetang aun o ba’rang dinan sigla itang malungkut a lugal.
Libutad na nitang kulungan makatalakad ya ing metung a maragul a krus a dutung babo na ning tuklwana’nang batu. Ing bagyu beluktuk ne ing latang INRI ning krus at ing uran pitda no ring letrang makasulat. King bitis ning krus, anti mo king tune Golgota, patungpatung la ring bungu at butul a inugse na karin ning alang masabal a bante-kamposantu menibat karetang kilkul nang aun at karin panayan da, aliwa ing aldo ning pamanukum nune ing panyatang da ring animal a king karelang yi ipali ro detang marimlang butul. King paligid akit mu ing bayung mekulkul a gabun. Keni, gabun a inaun, keta gabun a mibuntun. Tutubu la kaniting matabang gabun ding turumpalat a manyugat bitis karing mataram dang suksuk at ding pandakaking makaragdag king bau nang mete ning kutkutan. Makanyan man ating tutubung bulaklak a babye legwan ketang ilang dapot bulaklak lang lili katulad da retang bungu a e mu na balu nung kaninu la. Bukud mung ing Miglalang yang maki balu. Ing timan da retang sampaga mapusyo at ing banglu ra ya ing pabanglung sisingo karing aun. Tng dikut at ding mangulate tanaman ilang dakal karing suluk-suluk. Deting tanaman manukyat la karing
