Nung tutu mang malagad yang mamaluka i’Fray Salvi dapot bali-bali naman nung mamarug ya, ngana pin ning metung a "matanda sa nayun” ning balen, at kaniti man e ya pa sukat pikasaman. King pamangiling na’t pamagkulasyun kakukulangan yang daya, uli niti agad yang mikakapali buntuk, inya ring memalen sasabyan da mumukyat ing angin na king buntuk. At nung akit mu ing late ra king gulut ding munisilyus, e mu balung atulan nung ing cura mangulasyun ya pin o matalik yang mangan.
Ing bukud mung kasalang nang samantala ning cura ya pin ing alferez. Ya na mu ing e maniwala kaya manibat ketang ding babai kinalat da ing balitang ing demonyus pengangasa’neng tikswan ing cura at iti dekap ne ing demonyus ginapus neng matalik king bitis ning katri na, sebula’neng matindi at e ne binulus nune pamu kaybat ning syam a aldo.
Agyang makananu, kaybat nang mibalita ning upaya nang ita ning cura, nung atin pang lunto kasalang na, Ion da neng lalung marok pa king mismung demonyus ding tau at iti yang milyari king alferez. Ing asawa na metung yang matwang pilipina a matalik mangoloreti at magpulbus.. Ing lagyu na, Doña Consolacion, dapot king alferez at karing mapilan aliwa neman a palayo. Ing alferez pasakita’na ing sarili na king uli ning e ya tinud mekyasawa. Maglasing yang alang patugut at potang paidpaid ne yutus nong magsane ring sundalus na king mapaling aldo kabang ya tayu makasalilung. O kaya naman tampalasana'ne ing kalulu nang asawa at nung iti e ya man maging tupa o korderung maglinis king kasalana’ning tau dapot makabawas naman mekad king pasakit a tanggapa'ning asawa na nung kuldas ya king Purgatoriu. Ding kosyang naman ukulan dang king Purgatoriu man e ya makabage mabaldug. Ding adwang deti pagmayumu ra mu ing oras-oras a pamipate at maging pyalben lang alang bayad karing sipingbale. Kabang mibubungil la alang tuknang naman ing panagkasan, ngana nang mayna, ngana nang masikan, malaus gulisakan. Indat abalita'nang Padre Salvi ing basagulung gagawan da ring myasawa, titiman ya mu, mangurus ya at pangadya'ne ing "Igpa mi ati’ka banwa..Ding myasawa naman pamalagiwan deng mapamirait, magku-
