kaladwa lulundag ya king mla ngening akakit nong
pakabitin karing batal ding tyapat o tyalimang eskapularyu
at karing awakan makatali no man ding myayaliwang sintas
a maki butnul at itang limbun a tutukyan
da retang balamu mengamate na o maglalage a paka
abitung ginggun. Ing mayul mekatipun ya rin karing
pamisali nang kasangkapan kosyang bilang limus, ngana,
ba'yang miligtas ing kaladwa at ba'reng alabanan
ing demonyus. Yang demonyus a yan a ketang minuna
mika tepangan sinalangsang arapan ning Dyos at e
meniwala king amanu na, anti mo ing masasabi king
aklat nang banal Job, yang demonyus a misulapo king
Ginu Tang Jesucristo anti mo nung makananu nang
depatan kaybat karing mangkukulam ketang panaun
na pa ning Dalumdun (Edad Media) at angga man
ngeni sasabyan da, makanyan pa ing darapta’na karing
aswang ning Pilipinas, balamu ata linwal yang malamarine,
at tatakut neng akit ing kapirasung imalan a nung
nu la makalarawan ding adwang takde at tatakut nya
naman karing butnul ding sintas. Iti alang aliwang
patunayan nune ing susulung tamu naman king bage
iti at ing demonyus paurung neman o e ya bisang mibayung
katulad na ning ninu mang mabibye king dalumdun, nung
e ta buring sabyan kava ing meyna yang
anti mong dalagitang labi pamung limang banwa twa.
Anti mo ing asabi ni na, i’Padre Salvi tutu yang mapanupad king katungkula’na, agpang king alferez, milalu ya katupad. Neng magsermun ya, maburi yang tutung magsalita king pulpitu, sasara no ring pasbul ning pisamban. Kanyang palakad nang yan makyapus ya kang Neron, uling iti ala yang buring lulwal king teatru kabang daralit ya. I’Padre Salvi naman daraptan na ita king ikakayap da ring kaladwa kabang i Neron king ikasintang da. Nanu man ing arapat dang kamalyan ding utusa’na papagmulta na la. Kaniti mikakandayu lang Padre Damaso uling ya bihira yang mamarug kabang ing metung migawi yang manumbukat mamarug king nanu mang e na buri at ing dapat a anti kaniti katutula na. E sukat pikasaman kaniti. Maniwala yang ing indyu dapat yang ping babarugan. Makanyan ing sinabi na ning metung a fraileng makibelwan at susulat aklat at ya naman maniwala at e ya tututul king nanu mang makasulat. King ugali nang iti dakal la ring masakit a lub.
