kunwari, Carlista at masakim. Kaniti titiman ya
naman i'Padre Salvi at lalu ya pang mangadi. Ing alferez
sasalita na karing mapilan a kastilang daralo kaya iting
makatuki:
“Ah! dalawan ye ata king kumbmtu na yang malitun á cura? Mimingat kayul Nung ampangana’nakong suklati, tabalu nung ayna'na kayu, dapot nung tutwa'nakong paynuman, pakiramdaman yung mayap ing sabya’na. Awsa’ne ing utusa'na at ngana: 'Hoy, kulas, misadya kang metung a tasang chocolati, eh?’ Kabud makanyan yang minyabi, alang karug salu, malyari yung panayan ing chocolati. Dapot ustung ngana: 'Kulas, misadya kang metung a tasang chocolati, ha?’ Kwanan yu ne ing kupya yu at mabilis kong tiplad! ”
“O bakit,” nganang misdan ning kasabi na. “Lalasuna no wari ring dadalo kea? Dyantris naman!”
“Ay! ali na no man!” “O nanu. .. ?”
"Ing chocolate, eh, buri nang sabyan chocolating tune, itang marayuput at ing chocolate ah? chocolati yang malanyo, daranum.”
Ing salitang yan balamu, pikudta na namu ning alferez uling ya naman ing sasabyan da yan karing dakal a cura. O kaya iti ya ing salitang lalakad king karelang kapisanan.
Ba'reng pasakitan a lub ing cura, sutsuta’neng Doña Consolacion ing alferez ba’yang patipang kautusan a nung nu na babawal kaninu man ing tipa bale at maglakad king dalan kaybat ning ka-syam ning bengi. Kakalat nang Doña Consolacion ing ikit neng maglakad i’Fray Salvi makakamisang pinya at makaturung king kalalama'ning bengi. I'Fray Salvi naman, ba’yang makayablas kaniti, a tin yang makasadyang banal a pamamah. Kabud atiglapa’neng lulub king pisamban ing alferez pasara no ring pasbul karing munisilyus na. Mukyat ne kanita king pulpitu na at magmula neng magsermun anggang e la mitundu ring kabud santus at anggang e ya manyawad pakalulu ing patipating dutung a makiramdam king babo nang buntuk, ing Espiritu Santo. Dapot ing alferez, katulad ding e byasang sumisi, e ya manuman uli niti. Lwal ya king pi-
