nang indu at munta ya Malabon o San Diego, uling
i'Kapitan Tiago bisa yang magkabyayan dilidili kaybat
na nita. Dinikil yang d mu nanu king lyampo ampon
king sabung, at migmula yang sinipsip opyo. E ne pupunta Antipolo at e ne pamisa. I’Donya Patrocinio, ing
matwa nang kaligligan, pigmasusya'nang mayap ing kayang tagumpe, malakak ya king pisamban king kekaban
ding aral.
Nung sakali, panga gatpanapun, magmain ko king dalan Santo Cristo, akit yeng makalukluk king tindahan ning metung a isik ing metung a malating lalaki, amarilyu, payat, baluktut, malalam a mata at lupang maninap, labi at kukung marinat, maglalawe karing taung anti mong e no akakit. Panyatang ning bengi akit yeng talakad mipnung pamagkasakit, at magpayalale king metung a tukud, painturu ya king metung a makiput a dalan, lungub king metung a marinat a tuknangan a nung nu babo ning pasbul mababasa ka ring mangaragul a letrang malutu ing: Pisisipsipan Maida King Apyan. Iti ya ing Kapitan Tiagong binang kabalitan. Ngeni lubus neng mekalingwan, agyang ing sakristan mayul e na ne agaganaka.
I’Donya Victorina digdag na karing kulut nang e na tutung bwak ampon king kastila nang andalus — sakali mafyari ming sabyan iti — ing bayung pamanugaling ya ing palakad karing kabayu ning kotse, pipilita'nang i’Don Tiburcio manatili yang tahimik. Anti na ning pauli ning keynan da na ding kayang mata maralas yang mikakaligalig, ngeni gagamit yang quevedos a babye kaya king aske mapya. Ing doktor e ne meyaus pa ban manulu ; ding ipus maralas da neng akakit alang ipan, at ita, anti mo ing balu ra na ring kekatang talabasa, misnang karok a waga.
I'Linares a bukud mung talapaglwalu niting alang kalma, malambat neng paynawa Pako,(1) dwahagi ning sakit a tagilid ampon ning marok nang dapat kaya ning bayo nang babai.
Ing matagumpe alperes minuli ya Espanya, tenyenteng maki gradong komandante, likwa’ne ing mayalala nang asawa kambe ning kamisa nang pranela
a maki kule nang e malyaring pamalagiwan. Ing kalulung Ariadna,(2) inyang akit nang melakwan ya, dinikil
___________
1 King kutkutan Pako.
2 Babaing likwa’nang Teseo ban iti makyasawa ya king aliwang babaing milagiwan Dako.
