ya naman, anti mo ing anak nang Minos,(3) king pamaninum alak at pamanabaku, at miminum ya at manabakung e mu nanu, pitakutan de e mu ring anak a babai
nune pa ring matwa ampon ding anak a lalaki.
Mekad mabye la pa ring kakilala tamu king balen San Diego, nung e la mete king pangasalbag ning bapor Lipa a maglayag papuntang probinsya. Anti ning alang migmasabal liningap ban mabalu la nung ninu ring alang palad a mete ketang sakuna, nung kaninu la ring bitis at gamat a meyakit makakalat king kapulwa'ning Convalecencia ampon karing pampang ning ilug, lubus tamung e balu nung kambe ra reta atin karing balu ra ring kekatang talabasa. Matula tamu, anti mo ing Kapamahalan ampon ing Pamipahayag king panaun a ita, ngening abalu tamu king ing bukud mung prayleng atyu king bapor miligtas ya, at kaniti ala ta nang yadwan pa. Ing lalung maulaga kekatamu ya ing bye ra ring banal a paring nung kaninu pamamuntukan Pili pinas sininup ne ing Dyos king ikakayap ding kekatang kaladwa.
Dikii kang Maria Clara, ala nang mebalu nune namu ing kutkutan sininup ne king kayang sepupunan. Kitnan mi la ring myaliwang taung maki dakal a upaya king banal a kumbintu ning Santa Clara, dapot alang metung mang mebisang minyabing metung mu mang amanu, agyang pang ding mangalabit a kosyang a tatanggap king pikabalwan a pritadang laman-Iub manuk, ampon ing salsang lalu pang pikabalwan, awsan dang de las monjas (karing mongha, a sasadya ning matalino babaing talapaglutu ding Virgenes del Senor (birhen ning Ginu).
Makanyan man . . .
Misan a bengi ning Septyembre, bibyung ing bagyu
at panyapula’no karing mangaragul nang pakpak ding
bale Menila; ing duldul mamaksing balang penandit;
ding kildap pasalan do sagasaguli ding kasiran a pasari
ning angin at kakatmwa’nong e mu nanung takut ding
tau. Ing uran bubulus wari. King sala ning duldul o
ning kildap a kulakulate gugulis king banwa mayayakit
ya ing metung nang dake ning metung a atap, ing me
tung a awang sinulagpo ya king angin, misalbag king
makatakut a sikan, alang nanu mang saken o metung
mang taung maglakad karing dalan. Potang ing inge
___________
3 Ari ning Kreta.
