Pauli ning mabye la pa ring dakal karing tau ning kekatang salita, at pauli ning e no mayayakit ding aliwa, ala yang kapalyaryan ing metung a tutung kasalesayan. King ikakayap ding malda, matula tamung paten ta la ngan ding kekatang tau, magmula kang Padre Salvi at mamupus ta kang Donya Victorina, dapot e malyari . . . mye la pin ! Ing balen at e itamu byaya’na la king katatawlyan . . .
Ibat ketang i'Maria Clara linub ya king kumbintu, ing Padre Damaso likwa’ne ing balen ban manuknangan Menila, at anti mo ing Padre Salvi, kabang manenaya yang mitrang(1) mayalang makatutuk, manaral yang maralas king pisamban Santa Clara, a nung kaysanu kumbintu atin yang dirikilan a bage maulaga. E la milabas ding dakal a bulan, ing Padre Damaso tinanggap yang kautusan ning M.R.P. (Kagalanggalang a Padre Provincial) ban dikila’na ing pangapari king metung a probinsyang binang makarayu. Sasalita ring mekabalu king ita penandama'nang e mu nanu, king tutuking aldo kaybat nang abalu ing utus, ikit deng mete king sidwan a kayang pagkarinan. Ding mapilan sasabyan da king mete ya pauli ning ataki, ding aliwa uli ning bangungut, dapot ing mediko leko na ing sablang kapikakunwan minyabing mete yang bigla.
Ala karing talabasa tamu ngeni ing makakilala king
kapitan Tiago nung akit de. Mapilan dominggo bayu
ya lungub king monasteryo i'Maria Clara, i’Kapitan
Tiago meyakit neng miyaliwa aske, meyayat, misnang
kalungkut, dating misipisip at mapikakunu anti mo ing
meging kakalugura’nang Kapitan Tinong. Kabud mikabat la ring pasbul ning kumbintu king paglub nang
Maria Clara, i'Kapitan Tiago inutus na king malungkut
nang pisan, i'Darang Isabel, ing iti tipuna'na ing sab
lang bandi ra at gamit di Maria Clara at ing meangubye
_____
1 Tungkul a makaparikil king obispo ning Religion Catolica.
