nang adwang aldo ngening e ku mamangan, e ku matudtud . . . Alang taung dinatang ngening benge . . .?”
Ing tau lalwa'neng maratna i’Basilio dapot e ya bubulad. Mimisip ya at ukula'nang ketang panaske na ning ulila makapagtiwala ya.
"Pakiramdaman mu ku,” ngana king mayna nang siwala. “Malyaring e ku na naman dasan ing masala. Adwang pulu katakbangan ibat keti angga ketang lipat ning sapa, akit mu ing dakal a dutung a makatambak.. Idala mu keni, gawan mung buntun, yukyat mo babo ning buntun dutung ding adwa ming bangke, takpan mu la at kaybat patawan mu. Pakapatawan mung mayap, ita sanang maging abu kami . ."
Makiramdam yang makapamulala i’Basilio.
Kaybat, nung metung man alang datang .. . kulkul ka ken at manakit kang dakal a gintu ... at keka ngan ing gintung akit mu. Magaral ka . . .!”
Mimina-mimina ing siwala na ning lalaking kasabi na.
“Sulung na . . . kwanan mu na ing dutung . . . saupan da ka keni ...”
Meko ya i’Basilio. Minarap ya ing taung £ na kakilala at bubulung yang balamu mangadi:
“Mate kung e ke akit mang sunlag ing alaya king Balen ku . . .! Ikayung manakit kaniti, pugayan ye . . . at e yo kakalingwan ding miragsa king dulum ning bengi . . .! ”
Miglalawe ya banwa, kikimut la ring labi na at mangadi ya, kaybat diku neng manene ing buntuk at milangan ya king gabun . . .
Kaybat ning adwang oras, i’Hermana Rufa atyu king batalan ning bale na at gagayak ing kaylangan bayu ya simba. Makalawe ya ing matwang kosyang at ikit na ing makapal a asuk a mumukyat karing biga. Kiluru'no ring kile na at king mipnung mwa nganang sinyo:
"Ninu ta ing alang Dyos a king aldo ning pista mangaingin ya . . .? Uli na nyan nanu-nanu ing kealang kalmang mangapalyari keti! Munta ka sa king Purgatoryu at akit mu nung iligtas da ka, alang taros!”
