“Lon yu nung makananu neng tutukyan nitang
anak a lalaki ing mamulang,” nganang mwa ning metung a babaing utusan a atyu king dalan.
At pauli ning sulung mu rin ing panuki ning anak, iting utusan dinaklut yang metung a batu at besibas ne king anak a lalaki at nganang minyabi:
I’Basilio penamdama'na ing bigla nang pangaturan ning kayang buntuk, dapot sindu na mu ring alang pangabala ing pamamulai. Ding asu kakaungan de, ding gansa pasigaleuk la, ding mapilan awang mibusni la ban munye dalan king magosyosu, ding aliwa naman mikakabat la pauli ning pamigaganakang ita maging bengi ne namang maligalig.
Miras la ring mi-inda Iwal na ning balen. I’Sisa pigmula’nang pinigil ing kayang pamulai. Maragu'la pamikandayu ning tutuki kaya.
“Inang!" nganang ginulisak inyang akilala ne. Ing mamulang halus e na dindam ing aus. Myuman yang milai.
“Inang, aku !’’ nganang ginulisak masisira lub ning anak.
Ing mamulang e na darandaman.. Ing anak tutuki yang susunga. Lebasan da no ring myayaliwang tanaman at malapit no king pulu.
Ikit neng linub Basilio i'Inang na at linub ya naman. Ding malabung a tanaman, ing makapal a talahiban at ding mangaragul dang uyat a pakalto ring dutung, meging sumbagal king pamitagalan dang mi-indu. Ing anak tutukya'ne anino i'indu na, a sisinaga’na sagasaguli ning bulan. Akakit neng manyulud king lalam ding sanga at king patag ning lugal. Yan ya ing maki lihim dang pulu ring sapning Ibarra.
Ing anak mangatakid ya at mangasakab dapot agad nang mibabangun at e na daramdaman ing sakit. Ing pusu na't kaladwa ati’lu ngan ketang babaing akakit da ring mata na.
Lebasan de ing sapang daralit masigla, ing suksuk, dapot i'Basilio e ya memandal ba’nong bagutan man.
Mipatingangas ya inyang atiglapa’neng sinulud ketang madalumdum at malabung a talahib at linub ya king metung a pasbul dutung a tatakap king pantyu’na ning matwang kastila king bitis ning dutung a baliti.
