pigaya'no ring kayang dalo at tinggap nong mayalala,
bista’t e meko ing aske nang malungkut.
"Psh!” ngana ning metung a dalaga, "mapagmaragul ya . . .”
"Maki legwan ya,” nganang makibat ning aliwa, "dapot ing lalaki malyari yang mekapiling aliwang 6 makaing lupang tonta.”
"Ing gintu, anak, iting mayap a lalaki mesali ya.”
King aliwang panig aliwa naman ing pisasabyan da :
"Makyasawa ya ngening ing mumuna nang nobyo ume yang mabite!"
"Ita ya ing awsan kung kayagapan ; pamagsadyang panalili.”
"Pablasang nung mabalu ne . .
Deting pamipagsalita mekad daramdama’nong Maria Clara a ketang penandit makalukluk king metung a silya, yayus ne ing metung a bandehang bulaklak, pablasang meyakit yang ginalgal a gamat, menimutla at kinet ne ing kayang labi.
King kapulungan ding lalaki, ing pamipagsalita masikan, at, anti mo ing karaniwan, makaparikil karing tawling mangapalyari. Ding sabla magsalita la pati i'Don Tiburcio. Ing e bubulad ya mu ing Padre Sibyla a manatili king makabalduga’nang katahimikan.
"Dindam kung sasabyan da king ing kamalan yu, Padre Salvi, lakwa'na iting balen?” ngana ning bayung tenyente a meging maganaka pauli ning bayu nang estrelya . . .
"Ala na kung arapat pa keti; manatili na ku menila ... at ikayu?”
"Aku man lakwan ku na iting balen,” nganang mekibat ning tenyente at saka ya migatyat, "ing kapamahalan kaylanga'na ku ban kambe ning metung a tapuk a malyaring mipunta keni at karin linisan ko ring lalawigan karing pilibusteru.”
Ing Padre Sibyla linawe ne iting malagwa ibat king bitis angga king buntuk at saka ne gilutan lubus.
"Mabibitasa na nung nanu ing malyari king magbuntuk-buntuk niting malating katatagan?” nganang kinutang ning metung a empleado.
