"Dinatang kami ban makipagsalita kekayu at king Birhen,” nganang malihim mekibat at tiru ne i'Maria Clara. "Mipagsalita tamu dikil king kalakal.”
Ing dalaga aulingid na ing dapat neng lungub. Menintun yang sangkan at saka ya dinayu, manguyabnan karing luklukan.
Itang mepisabi ketang kapulungan binang mababa at pangit inya biryan mi nang e sambitlan. Ganap nang sabyan ing inyang mipamun la ring mipagsalita pawa lang matula, at kaybat i’Kapitan Tiago nganang minyabi kang Darang Isabel:
"Pabalu mu king ponda king bukas magpyesta tamu! Isadya me i’Maria uling pakyasawa taya kilub ning malagwang panaun.”
I'Darang Isabel linawe neng makapamulala i’Kapitan Tiago.
"Akit mu na! Potang ing Ginung Linares maging manuyang ta ne, pamanikan ta la ring sablang palasyo. Kariryan da katamu. Ding sabla mate la king dirya!”
At makanyan pin ing milyari, itang kawalu ning bengi ning tutuking aldo mitmu yang pasibayu ing bale ning Kapitan Tiago, ya itang ngeni ding kayang inanyahan pawa lang espanyol ampon isik. Ding babai, espanyola lang ibat king peninsula ampon pilipina.
Ati'lu karin ding dakal karing kekatang kakilala: ing Padre Sybila, ing Padre Salvi kambe ring pransiskano at dominiko; ing matwang tenyente ding gwardya sibil, Ginung Guevara, tahimik maygit pa king sadya; ing alperes a magsalita king kalibung ukdu king kayang pamakilaban, lawa’na lang malati ring sabla, isipa’nang metung yang Don Juan de Austria ;¹ ngeni metung yang tenyenteng makigradong komandante. I'De Espadaña lalwa'neng magdalang galang at takut, at panginlaga'no ring kayang panlalawe, at i'Donya Victorina maskup ya lub. I’Linares é ya pa dinatang, pablasang anti mong taung maragul, dapat yang datang tawli karing aliwa. Atin taung binang mababo pamisip a, king metung a oras a pangatawling dinatang king metung a maulagang kapulungan, maragul no mong tau.
King kapulungan ding babai i’Maria Clara ya ing
sangka'ning é mu nanung pamisitsitan. Iting dalaga
——————————
1 Kabalitan a gerero, anak na Iwal ning Aring Carlos primero, a
minyambut king labanan Lepanto.
