"Yang sasabyan yu i’Crisostomo Ibarra?" nganang kinutang ning metung. "Ing lalung ume malyari at ing lalung manapat ya ing mabite yang anti mo retang pitung pulu’t adwa.
"Mipayugse ya king marayu!" nganang malanging minyabi ning matwang tenyente.
"Mipayugse ! Ala nung e mu ing mipaugse ! Dapot pangapaugse alang kayangganan!" ngarang myagnanagnan minyabi ring dakal.
"Nung ing kayanakan a ita,” nganang tinuglung ning tenyente Guevara king siwalang matas at malangi, "meging maingat ya mo; nung e ya makaing menalig karing mapilan a tau a nung kaninu ya sinulat; nung ding kekatamung piskal e ra mu misnang karok pemangabaldugan ing jnakasulat, itang kayanakan bitasa ing mipayalan yang sala.
I ting pamangamanu ning matwang tenyente ampon ing tonu, ning kayang siwala, pigmulalan da ring makirandam at deti 6 ra balu nung nanu ing sabyan da. Ing Padre Salvi miglalawe ya kasumangid, mekad ban é na akit ing paglalawe makabaldugan a dirikil na kaya ning matwang tenyente. I'Maria Clara atabilya’no ring bulaklak at menatili yang alang kimut. Ing Padre Sibylang byasang magtahimik balamu ya mu naman ing byasang mangutang.
"Manyabi kayu dikil karing sulat, Ginung Gue vara?”
"Manyabi ku dikil king selita ning talapaglwalung tinalan king pisasabyan, mitmung lingap at pamagmasabal. Subali karing mapilan a telatag a malabug a sinulat niting kayanakan king metung a babai bayu ya minta Europa, telatag a nung nu ing piskal menakit yang pamagtangka at pamibala laban king kapamahalan, at ating kayanakan tinggap na namang kaya, e la sana menakit sangkan ban sandalyan de.”
"O ing pisyag na ning tulisan bayu ya mete?”
"Pepayala'nang ulaga ning talapaglwalu, pablasang agpang king kabud tulisan, kapilan man ya at ding abe na e re akasabi iting kayanakan. Ing kesabi ra ya mu ing metung a milagiwan Lucas a, agpang king meyakit bandang tawli, metung nang kasalang ning mesabing kayanakan, at ita migpakamate ya mekad pauli ning liga-
