Binondo, ing talapamisaling kandila ampon ing pamuntuk ning cojradia akakit de ing gamat ning Dyos a pepakimut ning Virgen del Rosario; ing isik a talapangawang kandila, ing misasadyang kandila potang i'Kapitan
Tiago pupunta ya Antipolo, nganang mamepe at gagalo
bitis:
"E ko sana gonggung, ing makipasari king mayap a milyari ya ing Birhen ning Antipolo! Yan maygit ya arapat karing sabla, e ko sana gonggung.”
I'Kapitan Tiago maragul ya paglalawe king isik a kikilalana'nang propeta, talapanulu at aliwa pa. Inyang iti syasata'ne palad ing meangubye makibale nang Kapitan Tiago, king kanam nang bulan ning kayang buktut, nganang minula:
‘‘Nung iting anak e ya lalaki at e ya mate, maging mayap yang babai.”
At i'Maria Clara linto ya king yatu ban patunaya'na ing ula niting e na talasamba ning Dyos.
I'Kapitan Tiago, uli nita, taung maingat at matakutin, e ya malagwang makabilug king kayang dapat daptan anti mo ing troyanong Paris;(1) e na kabud mu aparikil king metung karing adwang birhen ing kayang pamaniwala uli ning takut apamwa ne ing kasumangid, at ita malyaring pagdala neng maragul a ligalig.
"Maningat!” nganang sasabi king kayang sarili, "e ta sukat paburen pang mawala iting mayap a kalma.”
Atyu keting pamikelangan inyang datang la ring king tapuk a makapanig king kapamahalan: i'Donya Victorina, i’Don Tiburcio, ampon i'Linares.
I'Donya Victorina minyabi ya para karing atlung lalaki ampon king kayang sarili. Simbitla no ring pandalo nang Linares king Kapitan Heneral, at pepawatig nang ulit-ulit ing kayapa’nang e mu nanu ning makikamaganak a matas a kabilyan.
"Ala!” nganang memupus, "anti mo ing sasabyan mi: ing suklab king mayap a lilung, mayap yang dutung ing kaya lumapit.”(2)
"Ka . . . ka . . . balik, babae!” nganang menuman ning doktor.
Ati’nang pilan aldo, i’Donya Victorina magkapilit
yang manyabing kastilang anti mong andalus, lalako
___________
1 Prinsipeng troyano a sinamsam kang Elena, asawa nang Menelao, at pauli ning gerang mipasari kanita mesilab ing Troya.
2 Iting kasebyan king kastila ngana: Ing suklab king mayap a dutung tanggap yang mayap a lilung.
