batal; dapot nung silaban ke ing meto bale e ra ka sa
tagkilan man a bwak. Dapot ing milyari, milyari na,
pasalamat ka king Dyos ala ka karing Islas Marianas,
tatanam kamuti.”
Ding mengapalyaring kalupa ning kang Kapitan Tinong balu nong Kapitan Tiago. Iting tan mitonu yang pasalamat uli ning pangaligtas na kareta, e na mu balung bitasa nung kenu na utang iting misnang karagul a pamagkalub kaya. I’Darang Isabel panwala’na king ing mala pepasari ning Birhen ning Antipolo, ning Birhen del Rosario, o kaya ditak mu man king Birhen del Carmen, at lalu pang ditak king Nuestra Sehora de la Correa, at agpang mu rin kaya ing milagru e ne malyari pang manibatan kaninu mang aliwa. I'Kapitan Tiago e na payalyan ing mala, dapot nganang tutuglung:
"Panwalan ku, Isabel, dapot malyaring e na pasari mu kabud ning Virhen de Antipolo; ding kakung kekaluguran malyaring sinaup la, ing paintungul kung manuyang, ing Ginung Linares, a balu mu na makibiru angga king kabud Ginung Antonio Canobas itang darala na larawan ning 'Tlustracion,” itang e ra buring pakit karing tau nune mu king kapitnang lupa.”
At itang mayap a pilubluban a tau e ne apigil ing metung a timan a mitmung pasalamat balang makarandam yang maulagang balita dikil karing malilyari. At kaniti atin yang maragul a sangkan. Pibubulungan dang lihim ding tau ing mabite ya i’lbarra. King nung tutu mang maragu'la ring kulang ding kaustan ban ayatulan de, bandang tawli ating saksing dinatang a patune king sandali. Ding matenakan king obra pepawatig da king ding kararaptanan king eskwela malyari lang magamit balwarte, metung a portipikasyon, a nung wari man atin yang keynan anti mo reting mesabi, pauli na na mu ning keyalan dang talagang male ding indyo. Deting bala-balita dirinan deng katahimikan at titiman ya king kayang sarili.
Anti mo nung makananung i’Kapitan Tiago ampon ing kayang pisan myaliwa la pamalak, ding kakalugura nitang sapni makapirake la naman king adwang tapuk: ing metung manwala ya king milagru, at ing kadwa manalig ya king kapamahalan, bistaman ding keting tawli bina la mung dimut. Ding talakattg ning milagru makapirake la naman : ing sakristan mayor ning
