ning larawa'ning Ari, aid yang laman at balamu makasadya
yang lukluka'na ning aliwa.
Ing kura dinatang ya itang mag a las nwebi, maputla at mikit a kile.
"E yu ke pepanayan malwat!” nganing alperes.
"E na ku sa bisang tumagun!” nganang mekibat malale Padre Salvi at e na pinsingan ing malungkut nang amanu. “Nerbyosu kung tau.”
“Anti na ning metung man alang dinatang, inukul kung ikayu . . . Balu yu pin potang gatpanapun Iwal la.”
"O i’lbarra at ing Tininti Mayul ...?”
Ing alperes tiru ne ing sukulan.
"Walu la reng atyu ken,” ngana. “I’Bruno mete ya nabenging kapitangan bengi dapot makasulat na ing anggang sinabi na."
Pigaya’ne i'Donya Consolacion at iti pekibata'ne king metung a uyab at metung a ... aah! Ing kura linukluk ya king maragul a luklukan lalam nang larawan ning Ari.
“Malyari ta nang magmula,” ngana.
"Ilwal yo reng adwang maka pango,” ngana ning alperes king siwala nang mitmung patakut at kaybat inarapa'ne ing kura at inaliwa na ing tonu na.
"E la binang magkasakit king panga pango ra.”
Karetang é makibalung masalese kareting kasangkapan a magagamit king mabayat a pamamarusa, sabyan mi king iting pango metung ya karing mayan diling piparusan. Ding busbus na niting pango a nung nu la masasakmal ding adwang bitis mamilatan lang migit kumulang tunggal palad. Nung palakto kang adwang busbus magkasakit ya rin ing parusan lalu na ring bukung-bukung na at kaniti maigut ya ing banda na lalam ning katawa'na. Magkasakit ya pin kanyang bili nang yan dapot é ya agad mate.
Ing bante-sukulan, kayantabe ring apat a sundalus, kilyut ne ing susi at biklat ne ing pasbul. Ing baung makalyu at ing angin a mekulub king dulum ning sukulan a mamasa-masa dela nang linwal ning angin kambe na ning dalung at tangis ding karin makakulung. Kinaskas yang kasapwegu dapot mitda ya naman pauli ning angin a mimiral king kulungan. Menaya la pamung mapilan a penandit bayu la mekasindi.
