- Ing tula ku menabu king talaga.
Mitmung bangis lang balik-balik ding gwardya sibil arap ning tribunal at babalan dong kulatan karing pusil da ring anak a mapangangas a titika o mipupusanan ba’rang akit karing rehas nung nanu ing malilyari kilub.
Itang kilub-tanggapan (sala J meging malungkut yang lugal at meko nang lubus itang sigla at saya inyang pisasabyan da pamu ing katatagan king pista. Ngeni sari ya king lungkut at mapanganib.
Ding gwardya sibil at kwadrilyeros a atyu ngeni karin, halus e la mibubularan at nung misabi la man bulungan mu at makuyad. Babo ning mesa mangalka' lang papil, ing direktorsilyo adwang eskribyente at mapilan a sundalus. Ing alperes, pasyal-pasyal ya at mamisan-misan lalawe yang misnang bagsik king pasbul. Agyang i'Temistocles e ya makanyan a kapagmaragul king Pyalung ning Olimpo (Juegos Olfmpicos) kaybat ning labanan karin Salamina. I'Donya Consolation manuyab ya king metung a suluk at lalto ya ing matuling nang gulung-gulungan at ding bungal nang ipan. Maratna ya lawe king pasbul ning sukulan a mitmung larawan a manong akakit. Pepayntuluta’neng makiramdam at dungut ning alperes king dakal a kutang a malyari at king parusa’t pasakit a daptan da kaybat ning karelang pamagtagumpe. Ing lasip (hiena) maynip yang manakit bangke at alub na na mung akit na ing kasakitan da ring miparusan.
Ing direktorsilyo malungkut ya’t mikakunu. Ing maragul a luklukan, itang luklukan a makabili lalam
