raraptanan a mipnung pamagkanwari at alang ibunga,
beba ne ing buntuk at sisisyata'na ing kaya makapatulug.
Lon yu ngeni nung makananu lang mibabait ding kekatang poeta; ding musa ning lelangan makakalale rong bubuklat kekatamu ring sinup dang pibandyan, at mamagmula ra katamung titimanan ban dinan tula king kekatang daraptan.
Ding pamanyaliksik a merapat king syensya inapag da no ring mumuna rang bunga: ing kulang na mu ngeni ya itang ing panaun lalu nang ilusuk ing karelang kapalyaryan. Ding bayung abogadu magbilug la karing bayung adle ring patuntu’ning katuliran. Ding mapdan magmula nong titindag busal ning dalumdum a makapatulug karing kekatang pipagtalumpatyan al pabalu ra na ing pamanibayu king paglakad ding pa naun. Pakirandaman yu nung makananu lang magsalita ring kayanakan, yapa yo ring pipagaralan, at bayu lang lagyu ring kakablas karing pader ding klaustro, karin nung nu ila mu sanang mararandam ding lagyu ri Santo Tomas, Suarez, Amat, Sanchez at aliwa pa, ding idolo ring kakung panaun. Alang ulaga ing pamanutul da ring prayle laban king pamagbaba king mayubung pamanugali, anti mo nung makananu lang tututul ding magtindang asan laban king tekawan ding manyali, é ra balung ding karelang pisasali bilasa na la at é mapangan! Alang ulagang iladlad da ring kurubintu ing karelang upaya ban ing bayung pangimut ilumud da karing balen. Ding dyoses mamako na la. Ding yamut ning dutung malyari rong payayatan ding tanaman a kareti magpadala, dapot e ra alako ing bye karing aliwang bage mabibye, a anti mo ing ayup magpatilo king banwa.
Ing pilosopo magsalita yang mitmung bye; ding mata na kikislap la.
"Makanyan man, ing bayung bini malati ya; nung ding sablang kasalang kimut la, ing panyulung a misnang kamal tang beyaran malyaring malumud,” nganang tinutul e maniwalang Don Filipo.
“Malumud. Ninu? Ing tau, iting mataling bage masaket ? Ilumud ing panyulong, ing mayupayang suli ning panaun ampon ning pamagkapilet? Kapilan milyari ita? Ing palakad ning relihyon, ing sukulan, at ing aping magnasang pigilan de, lalu rya mung inabit. E pus si muove ('dapat gagalo ya') nganang Galileo in-
