tuki king bage daraptan. Ing tungkul yu ya ing sumaup, at ban makasaup, yadwan ing sikanan at ing
pangimut. Subali pa king ing labanan e dapat yarap
king gobernadorsilyo. Ing amanu dapat sanang iaban
ketang magpalalu king kapamilata’ning sikanan, laban
king lilingasngas king katahimikan malda, laban king
magkulang king kayang tungkul. At e ko migdilidili
mu, pablasang mg balen ngeni aliwa ne king ketang
adwa nang pulung banwang milabas.”
"Makanyan ing paniwalan yo?" nganang kinutang Don Filipo.
“At e yu wari panandaman?” nganang mekibat ning matwa at minatna ya king kayang pagkeran. "Ah! pauli ning e yu ikit ing milabas, e yu pegaralan ing pasari na ning paglub Europa, ing panyatang ding bayung libru, ampon ing pamunta ra Europa ding kayanakan. Magaral kayu at pilimpyan yo ring bagebage. Bitasa ing atyu pa ing Real at Pontificia Universidad ning Santo Tomas kambe ning binang matenaka’nang
Kapulungan, at darapat la pang pamibabadbaran ban makabilug pamikayari at karing katalinwan ning pamagaral; dapot, nuya akit ngeni itang kayanakan ning malagwayan a belwa’ning kekatang panaun, mekabalu king mitaga'nang kabyavan ning minunang panaun a, maligalig a pamisip, mamamate magdala king kayang pegaralan king metung a suluk ding lalawigan, e na ikwang ataluse ding bagebage ring mangapalyari, e na alutas ing kalamnan at pangapalyari ding bage, misnang pangatas a pamisip pakalingwan kekatamu ketang kaylangan king bye at king kekatang pangatau. Lon yu ngeni ing kayanakan ! Mitmung tulang manakit karing kalapdan a mayagtangan, magaral yang historya, matematika, heograpiya, literatura, syensya pisika, lengwa, bage pawang e tamu buring darandaman king kekatang panaun anti mong bage e mayap. Ing lalung timawang mimisip king kakung panaun sasabya'nang mababa la reti karing belwa’nang Aristoteles at karing tuntunan ding kapalyaryan ding bagebage. Ing tau akilala na rin bandang tawli ing ya tau ya; sikwil na ing pamaglitis king kayang Dyos, ing pamanyulud ketang e malyaring mirasan, ketang e na pa ikit, ing pamamye tuntunan karing lelanga'na ning kayang pamisip. Ing tau amalaya'na king ing kayang mana ya ing malapad a labwad at ing pamagbandi kaniti atyu king kayang kapalyaryan. Mapagal king metung a ka
