nagkas. Meyala mung alaga ing kayang sumpa; atilu
ring kayang damulag at kayabe na la at malyari lang
magsalita.
"Dakal ka pa balu kesa king celador at karing Hermana, paracmason, hereje?" ngarang sasabi kaya at lalon deng marok a mata.
Ing kura menik ya king pulpitu at pasibayu yang menaral dikil king purgatorio, at ding mamesus pasibayu lang linage karing karelang simpanan ban mamayad misa.
Dapot lakwan ta la ring kaladwa king pamagkasakit at pakirandaman tamu ing pamipagsalita ri Don Filipo ampon ing matwang Tasiong masakit king bale nang magsasarili. Ati'nang pilan aldo ing pilosopo o ing mamulang e titikdo king kayang pagkeran, dinate ne ning metung a keynan katawan a masalusung susulung.
"King kamatutwanan é ku balu nung dinan dakong mayap a oras uling tinggap da ing kekong pamagtiwalag king tungkul. Bayu iti, inyang ing gobernadorsilyo alang masabal nang papayalan ulaga ing pamalak ding dakal, ing pamanyangi kaniti katuliran; dapot ngening makipagkal ko king gwardya sibil, é sukat. King panau'ning digma, ing tau dapat yang manatili king kayang karinan.”
"Wa, dapot e potang ing heneral mipipisali ya,' nganang mekibat Don Filipo. “Balu yu na ing king tutuking abak ing gobernadorsilyo timawa no ring sundalus a dekapan ku, at e ya bisang dapat nanu mang panakbang dikil karela. Nung ala yang kapaintulutan ing matas kaku ala kung arapat."
"Ikayu, magdilidili, alang malyari, dapot kambe ring aliwa, dakal. Dapat yung semantalanan iting pamikatagun ban munye alimbawa karing aliwang balen. Babo ning e mikatulpak a upaya ning gobernadorsilyo atyu ing katulira’ning balen. Ita ya ing pamagmula ning metung a mayap a turu at mebating ya kekayu.
"At, nanu ing arapat ku laban king pekakatawan ding kapigaganakan? Oyan Ion ye ing Ginung Ibarra, dinuku ya king kapaniwalan ding malda, ukulan yu ing maniwala ya king excomunion?”
"E ko milulupa kabilyan: ing Ginung Ibarra bisa yang tanam, at ban makatanam dapat ing magbaba at
