Inapis neng Lucas ing buntuk na, selese ne ing kayang kamisa at nganang mekTbat:
"Wa, balu ra kayu. Ikayu ri Tarsilo at Bruno, anak at mangasikan. Balu ku king ing matatag yung igpa mete ya pauli ring dinalan a barug aldo'ldo depatan da kaya ring sundalus. Balu kung e yu isipan ing pamali ye ..."
"E ka makyalam king kekeng bye,” nganang sinalabat Tarsilo, ing makamatwa. "Ita magdalang kapahamakan. Nung e ke makikapatad a babai malambat na ke sang mebite!”
“Mebite? Ding mataloti ila mung bibitayan da. itang alang kwalta at kapagmasakit. At lipat ning sabla, ing bunduk makalapit ya mu.”
“Dinalan laban adwang pulu, keta kung maputi1” nganang gugulisak ning metung a linabas.
“Paraman mu keng apat a pesus . . . atlu . .. adwa.” nganang makisabing mayap ning anak. “Kaybat ibalik mila kekang dobli. Magmula na ing sabung.” Inapis neng pepasibayung Lucas ing buntuk na.
"Tst! Deting kwalta e la kanaku. Binye no kakung Don Crisostomo para karing bisang sumuyu kaya. Dapot akakit ku king 6 na ko kalupa ning kekong igpa. Ita, wa, matapang ya. Itang ali e ya dapat maglimbang.”
At dinayu yang bagya karela.
“Tatanggapan mi na, nanu pang buri mu?” nganang Bruno. “Mayap na ing mabite kesa king mate mebaril. Ikaming pakakalulu makanyan mu ing ke keng kapalyaryan.”
“Atin kang katuliran, dapot isipan me ing kapatad tang babai.”
Kanita ing pisasabungan melinis ne karing tau. Magmula na ing sabung. Ing inge migmula nang migtahimik, at ding adwang mibugnusan ampon ing talapanari mitagan la libutad. King metung nang sinyal ning talapanatul, ing talapanari leko na no kaluban ding tari at kinislap la ring malaing taram, babala at titindag.
Ding adwang mikapatad linapit lang malungkut at alang bulad king bakud at manalbe lang makapagta kanwan king dutung na niti. Ing metung a lalaki linapit ya karela at nganang minyabi king darandaman da.
