"Pare! dinalan laban apulu, keta kung maputi!”
I’Tarsilo linawe neng makamulala ita, i’Brunu sinikil ne i’Tarsilo at iti naman mikulutun ya kile.
Ding mibubugnusan tatalnan do ring manuk king misnang nayun a pamaningat ban e la masugat. Mika e mu nanung katahimikan : isipan king ding atyu karin, subali karing mibubugnusan, munika la mung birya. Jlapit de ing metung a sabungan king metung, makatalan a buntuk ba'neng tuktukan at pamwan ning kalaban, at makanyan mu naman keting tawli. King sablang labanan dapat ating pamitimbang. Makanyan karing manuk pranses, anti mo king karing pilipinu. Kaybat pyarapan da la ring manuk, pikanlapitan da la, at kaniti ding kalulung malating animal abalu ra nung ninu ing pakilabanan. Talakad ing bulbul da king batal, mipaglalawe lang matulid at ing mwa kikislap karing malati't mangabilug dang mata. Kanita miras na ing penandit: ibili rong mikakandayung ditak king gabun at lakwan da nong timawang milaban.
Ding manuk mikanlapit lang makakalale. Marandam ing pamikayud da king masyas a lapag. Alang magsalita, alang mangisnawa. Ibaba ro’t itas ding buntuk anti mong misusukdanan king pantalawe, ding manuk marandam lang bubulung, mekad babala o malkara. Ikit da ing makintag a taring pasari king marimla at asul kislap. Ing panganib lalu nong inadva at ing balang metung linapit yang matulid king metung, dapot katakbangan bayu la mikaras tinuknang la, at mipaglalawe matutlid beba ro ding buntuk at lidlad ding bulbul. Ketang penandit ing malating buntuk kumatmu yang daya, mibugnus ya ing kildap, at king katutubu rang tepangan balang metung dalusung yang mabilis king metung. Misagumun la, ing tuktuk king tuktuk, salu king salu, pataram king pataram at pakpak king pakpak. Ding balabat mipanginlagan lang mayap. at mebalag la mu ding mapilan bulbul.
Pasibayu lang misukdanan, pasibayung sinulagpo ya ing maputi, migpakatas yang yasiwas ne ing mataram a tari, dapot ing malutu tinikum no ring bitis, beba ne ing buntuk, at bukud mung ing maputi yang sinulapo babo. Panagpa na king gabun, migaganakang masugat makagulut, mibalikwas yang asad at minarap king kalaban. Bilusuka’neng mapali ning malutu, dapot iti menginlag yang banayad, at alang nanu mang
