king maputi I Kaybat niti, ing aliwang siwala ngana
naman: King malutu! Ing maputi ya ing mayaus at
ing malutu ya ing tawli.
Busal da retang keraklan ati'lu ring gwardya sibil. E la makapiblas king dati rang gani dapot e la naman maka paisanu. Makapantalun lang gingun a maki gufis malutu, kamisang pemaltakan asul ning blusang kilulan, gorang pagkwartel, makanyan la ganing makayagpang king karelang pamanugali: Makipusta la at magbante, mangulu la at manyabing patunad king kapayapan.
Kabang ding tau gugulisak la, tatas do ring gamat, yasiwas do't pakalaksing ding kwalta, kabang sasalatan do king bulsa ding makatagan pang pera o ing kealan kareli, mangaku la king amanu, mamisaling damulag, king tutuking pupul, at aliwa pa. Ding adwang kayanakan a balamu mikapatad, lalon do karing matang mitmung dirya ding susugal, lalapit la kareti, malamarine sasabing mapilan amanung e mipakirandaman, lalu lang maglupang malungkut at mipaglalawe mebuysit at sira lub. I'Lucas lalawa'nong é pahalata deti, titiman yang mitmung kabaldugan, pakalaksing no ring mamesus a pilak king kayang bulsa, lumabas ya lele ring mikapatad, at lumawe ya king pisasabungan at nganang gugulisak:
"Pupusta kung limang pulu, limang pulu laban adwang pulu king maputi!” Ding mikapatad mipaglalawe la.
"Ya na ing sasabyan ku keka,” ngana ning matwa, "e mo dapat pista ring sablang kwalta. Nung pekirandaman mu ku atin kata pa sanang ipusta ngeni king malutu!”
Ing wali linapit ya kang Lucas at malamarine neng tigkilan a gamat.
"Ika?” nganang melikid kaniti, magkakanwaring mipamulala. "Tatanggapa’ning katapad mu ing kakung ampang ó linapit ka ba’kang musta?” "Makananu keng makapusta ngening mesambut no ngan ding kekeng kwalta?”
"Uli niti, tatanggap na kayo?”
“Ya é ya bisa! Nung malyari yu ke sanang para man ditak, ya rin itang sasabyan yung kakilala yu kami..."
