“Ninu ing sinabi keka? Ika e ka keti makabalen...
"Ikayu, padre, balu ra kayu king meto lalawigan!”
Lepita'neng Padre Salvi kambe ring matang kikislap king mwa at, makatuldu king dalan, nganang minyabi king mipamulalang Lucas :
"Muli ka bale at pasalamat ka kang Don Crisostomo e na ka pepasukul! Mabating ka keti!”
I’Lucas akalingwa’na ing kayang pamagdingdingali at nganang bubulung :
"Ukulan ku sana. .
"Mabating ka keti!” nganang milyo mapali ning Padre Salvi.
"Buri ke sanang akit ing Padre Damaso. .
"Ing Padre Damaso atin yang daraptan. . . Mabating ka keti!” nganang myuman mwang minutus ning kura.
I’Lucas tinipa yang bubulung king eran!
"Ini metung ya pa. . . Nung é la mamayad mayap. ..! Itang mamayad masalese. .
Pauli ning siwala nang masikan ning kura memaglapit la di Padre Damaso, Kapitan Tiago ampon i’Linares.
"Metung a masikan a lub a hampas-lupa, dinatang manyawad limus at é bisang magobra!” nganang Padre Salving kinanwa king kupya na at bastun ban munta king kumbintu.
