panya, uling e ya maniwala karing pilipinu. Ing lalaki
aganaka ne ing pangunaka’na karin Madrid a magaral
ban makapag-abogadu at babalakan dang ya ing lalung
matalino king pamilya. Silatanan de uli nita, tambing
nang binayad ing pasahi nang papunta Pilipinas, at
inyang ing paninap mikayanak ya i’Donya Victorina
meging ala, iting pangunakan maglayag ne.
Deti ila ring atlu kataung bayu pang dinatang. Kabang mamangan lang kadwang almusal, dinatang ya i’Padre Salvi, at ding myasawang kakilala na pepakilala re ing kayanakan a Linares kambe ring dakal nang titulo at iti mengalare ya. Mipagsalita la dikil kang Maria Clara, anti mo mg karaniwan. Iting dalaga paynawa ya at matudtud. Mipagsalita la dikil king byahe. I’Donya Victorina pepakit na ing kayang kalabitan, menatsa king panugali ring probinsyanu, ding bale rang pinaud, ding tete kwayan, at e na kelingwan sinabi king kura ing pamakikalugura’na king Segundo Cabo,‘¹’ king Alcaldeng‘²’ makanyan, king Oidor‘³’ a ita, king Intendente,‘¹’ at aliwa pa, taung pawang ating maki mangatas a kabilyan a mayalala kaya.
"Nung dinatang ko sanang adwa nang aldo milabas, Donya Victorina,” nganang Kapitan Tiago kaybat ning makuyad a pamaynawa, ‘akatagpu ye sana ing Kapitan Heneral. Keta ya makalukluk.”
"Nano? Makanano? Dinatang ya keti ing Kayang Kakamal-kamalan? At king kekong pibalebale? Kalaraman!”
"Sasabyan ku kekayu ing keta ya makalukluk! Nung dinatang kayu mung adwang aldo bayu iti...”
“Ah, sayang na king i'Clarita é ya mesakit bayu ite!” nganang minyabing talagang pasayang, at minarap kang Linares, ngana:
"Darandaman mu, pisan? Dinatang ya keti ing Kayang Kakamal-kamalan, ing Gobernador Heneral! Akit mu king atin yang katuliran i’De Espadaña inyang sabya'na kekang é ka pupunta king bale ning metung a mababang indyo? Uling balu yu, Don Santiago, king ing kekaming pisan kakaluguran de karin Madrid ding ministro at duke at mamangan ya king bale ning Conde del Campanario.”
1 2 3 4 Myayaliwang katungkularr king kapamahalan ketang panaun da Pilipinas ding kastila.
