“Inang,” nganang mekibat niti, "ing . . . ing espiritung lalung masikan a balu ku ya ing amoniaco. Ing kakaluguran ku malyaring manyabi yang agpang king re . . . retórica.‘¹’
Ibat kanita, kapilan man mika pamikatagun nganang agad sasabi:
"Aku mu ing bukud amoniaco keting misnang kaligalig a balen, magsalita king retorica, makanyan ing sinabi ning Ginung N. de N. kastilang binang kabalitan.”
Nung nanu ing sabya'ning babai ya ing tinanggap yang kayadwanan a idukit na king metung a matuling losang marmol ing, DR. DE ESPADANA, ESPECIALISTA EN TODA CLASE DE ENFERMEDADES.
Ding sablang kasaup bale sapilitan ing awsan do ngeni ring myasawa karing bayu rang titulu, at pauli na niti miragdag la ring pakatoto kulut ning bwak, mekapal lalu ing polbung abyas, ding sintas ampon ding palamuti, at iti linawe nong lalu pang mababa ring maluka at kulang a palad a kabalya’nang babaing nung kaninu asawa mababa la kaniwan kesa king kaya. Balang aldo daramdama’nang maging maragul ya at lalung mitatas, at nung misundu iti, kaybat ning pabanwa maniwala neng maki lahi yang ating panga-dyos.
Makanyan man, deting maulang pamisip e ra inantala ing balang aldo lalu yang metwa at makatuksu itsura. Balang atupa’neng kapitan Tiago at iti aganaka nang king minuna alang kalma neng inampanganan kapalsintan i'Donya Victorina, agad nang paralang pesus king pisamban para misang pamipasalamat. Makanyan man, gagalang neng e mu nanung kapitan Tiago ing lalaki pauli ning titulung especialista‘²’ karing sablang adle sakit at matingid nong pakirandaman ding mapilan amanung asasabi na niti king kayang pangakakak. Uli na niti at pauli ning iting doktor é no daralawan ding sabla anti mo ring aliwang mediku, yang pinili nang kapitan Tiago ban manulu king kayang anak.
Dikii king anak a Linares, aliwa nang bage. Inya pagtangkan da ing maglayag Espanya, i’Donya Victorina minisip yang metung a talapamahalang ibat Es-
1 Adle ning mayap o malagung pangarapat ding kasulatan o salita.
2 Metung a tanak king pangarapat ning metung a kararaptanan anti mo, alimbawa, king pamanulu.
