bignus ning alang palad a Sisa. Ginisi ne ing maimpis
nang kamisa at linwal ing daya.
Ing daya babye lalung bangis king tigri. King dayang ikit ning alperesa king tatampalasana’na lalu yang mebagsik.
"Terak ka, terak ka, babaing panyunpa ra...! Marok neng da ing Indung mibait keka!” nganang gugulisak. “Terak ka nung ali paten da kang barug...!”
Telan ne king metung nang gamat at king metung naman linatiku neng alang patanat at saka ya lulundag at teterak.
Kanita na pamu ayntindyan ning mamulang ing buri nang Donya Consolacion inya maski makananu tinerak ya agyang é makatuki king tigtig. Metung yang masayang timan ing migkasakit linwal karing labi ning meging guru king terak, ing tima’ning Mefistofeles a babai a mekatagpung masanting a tuturu. Ating sama, pintas, sisti at kabwangisan, dapot e merandam ing nanu mang sagakgak.
At king uli ning tula na ketang é maka-taung darapta’na, é na apansing man ing panyatang ning asawa pa nung e mu inyang paldaka’ne ing pasbul at bigla vang mibusni.
Linub yang maputla at mwa ing alperes. Ikit na mg malilyari at linawe neng bubusuk a lupa ing asawa na. Iti e man metig ketang bili na at titiman ya pang maki sunu.
Ing alperes tela’neng mipnung ganaka king pago ing mamulang a teterak at pepatuknanga’ne. Mipangisnawa ya kaniti at linukluk yang makakalale king tabla at ing likluka'na mengasnang daya.
Tahimik. Ing alperes meragul ya pangisnawa. Ing alperesa a maratnang magumasid, diklut neng pasibayu ing latiku at nganang payapa at malagad kinutang:
“Ninanu ka. ..? E mu ku dininan mang mayap a bengi!”
E mekibat ing alperes nune inaus ne ing utusan.
“Ituki me ing babaing ini,” ngana. “Payalili me imalan at saka me paulu kang Marta. Pakanan meng mayap at dinan meng masanting a pagkeran. Silbyan veng mayap, nung ali. . . Bukas idala ye king bale ning Ginung Ibarra!”
