ing pasbul king alang tarus a utusan at king metung
nang sikad misara ya ita kalwal ning tawli. Migbalikbalik
yang pilan ukdu king sidwan, tutulug karing
mangasika’nang gamat ing latiku, at biglang tinuknang
arapa'ning mamulang, nganang minyabi kaniti king
kastila: "Tera’ka!”
I’Sisa e ya kinimut.
"Tera’ka, tera’ka! nganang minulit king siwalang makatakut. Ing mamulang lalwa’neng makamulaklak a mata.
Ing alperesa tinas ne metung a gamat iti, kaybat ing metung at saka no pengulug. Alang ulaga. E ne ayntindyan Sisa.
Linuksu ya, dinurut ya, ba’neng pakyapusan Sisa. Ibat king marayu daramdaman da ing musikang titigtig da ring musikus king limbun, dapot ing alperesa, lulundag yang masikan at aliwa ya musikang tutukyan, itang musikang mararandam kilub nang salu. Lalwa’ neng é kikimut Sisa, anti mong pagmulalan at ing malating timan kinimut ya karing maputla nang labi: Matula ya ketang terak ning alperesa.
Tinuknang ya iti anti mong merine. Tinas ne ing latiku, itang latikung tutu ra nang kakilala ring mapanako at ding sundalus, megawa Ulango at semasa'ne pa ning alperesa dininan alambring pemaluktut. Ngana king mamulang:
"Ngeni, ika naman ing terak. . .ale, tera’ka!”
Pigmula'nong berug malale ring bitis nang alang sulud Sisa at itang kalulu mengapangisngis ya king sakit at panyagka’na ing barug karing gamat na.
"Aha! magmula na ing terak mu, ne. ..?” nganang lasip mayli. Migmulang mayna ing barug, kaybat sisikan-sisikan.
Ing kalulung mababarug sinaingsing ya king sakit at tinas nong bigla ring bitis na.
"E ka terak. . . p-indya?” ngana ning babai kabang ing latiku myasiwas ya't bibyung.
Migkasat ya i’Sisa at sikmal no ring butit na kabang lalawa’ne ing manampalasan kaya karetang mangamulagat nang mata. Ding adwang barug a tinggap na king gulut tinikdo re ing mamulang. Ing merandam é na saingsing nune adwang masikan a galeung ing
HISTORICAL DATA BANK N H I Z
