a bagya-bagya pekyapusa’ne. I’lbarra atyu king
metung a suluk. I'Maria Clara makasiklaud ya lele ning
altar mayul, king metung a lugal a alang dakal a tau
pablasang ing pari pepalakwa’na la para king dalaga.
I’Kapitan Tiagu makafrak makalukluk neman karing
bangkung sidya ra karing makiyupaya, uli niti ring
anak bala ra metung yang gobernadorcillo at é re
buring lapitan.
Katatawlyan, dinatang ya ring ing Alkalde kayantabe na la ring kayabe nang mangatungkulan at linwa’la ibat king sakristya at linukluk la karing mangasanting a luklukan a paka-alpombra. Ing Alkalde makatodu ya at susulud ne ing banda nang Carlos III at apat o aliwa pang panagawlang-galal (condecoraciones).
Ing balen e ne akilala.
“Aba! Ion me ing memalen a ini, maka imalan kumidyantis !” ngana ning metung a sisimba.
“Mangmang!” nganang mekibat ning kasiping na kabang sisikila'ne.
“Ing prinsipi Villardo yan a ikit ta nabengi king kumidya!"
Ing Alkalde mitas ya katungkulan karing mata ring tau at meging prinsipi yang maki mala a manyambut karing higanti.
Migmula ing misa. Detang pakalukluk tinalakad la at ding matudtud migising la pauli ning batingting ding kumpana at ing masikan dang siwala ding magkanta. I'Padre Salvi, bista man mahalan ya itsura, matula ya king malilyari uling adwa lang paring Agustino ring pinili rang maging kasaup na.
Balang metung kareti migkanta ya king misa king siwalang lulwal king arung at e mu ayntindyan ing amanu ra subali mu king paring talagang magmisa a gagalgal pa siwala a pagmulalan da ring makakilala kaya. Kikimut ya bista man king mipnung kahinhinan at kairingan. Sasabya’ne ing Dominus Vobiscum king mipnung kabanalan at kikiling neng bagya ing buntuk na, makalawe king bubungan. Ngening akit meng payasukan da ing insyensu malyari mung sabyan king ing maki matulid ya ing medikung Galeno ngening lulub ing asuk kilub ning bungu ning tau king kapamilatan da ring busbus arung, makaibye diwa pablasang tutu-
