lid ya at mamatna ya ing buntuk na kaybat lalakad ya
king libutad ning altar king mipnung degulan nung
inya sa i’Kapitan Tiago atangala'neng matikdi pa king
kumidyantis a intsik a inalbya’na nabengi a makaganing
emperador mitmung pintura at mipnung banda
king gulut, masyas a balbas anti mong iking kabayu at
sinelas a maki matas a takung. Nung inya nganang
mimisip "ing metung mung pari keti kekatamu mahalan
yang migit kesa karing anggang emperador.”
Bandang tawli, dinatang mu rin ing penandit a damdaman ta ya i’Padre Damaso. Ding atlung pari linukluk la karing tabureti rang mangaragul king mipnung dangalan anti mo pin ing sasabya'na ning marangal a talasulat: ing Alkalde at ding sablang mangatungkulan a matas pekyapusan da la. Tinuknang ing musika.
Ketang biglang katahimikan mipagising ya ing kekatamung matwang kapatad a Puti a malakak na sana uli na ning malambis a musika. Kalupa nang Segismundo, o katulad ning kusineru king salita nang Dornroschen, ing minuna nang depatan kabud mipakde ya sinikil ne ing pangunaka'na a mipatudtud mu naman. Iti misdan ya, dapot agad nang milimbang inyang akit ne ing metung a babaing durugduga’ne ing salu na a maniwala king mipnung kabanalan.
Ding sabla migluga'lang masalese. Ding alang luklukan migtimpu la, ring babai king baldosa o karing butit da.
I’Padre Damaso linabas ya king libutad ding keraklan, tutukyan de ring adwang munisilyus at king gulut na metung ya pang prayle a magdalang maragul a kwadernu. Limbug ya inyang mukyat ya king eran a dudurut dapot agad nang linto pepasibayu ning mabilug nang buntuk kaybat ing maragul nang tundun a tikya’na ning mabilug nang katawan. Miglalawe ya misusumangid alang kapikakunwan at saka ya mengukung ditak. Ikit ne i’lbarra at king makapasubali nang kindat pepayntindi na ing metung ya karetang yabe na king kayang pangadi. Kaybat linawe neng masaya i’Padre Sybila at pepasuglupa’neng maki umis i’Padre Manuel Martin a menaral napun. Kaybat nang miglalawe inarapa’ne ing paring kayabe na at ngana: "Magsadya na ka, kaputol.” Iti naman biklat ne ing kwadernu.
