lage lub ning atlung bengi! Marahil makwalta no reti.”
"Nanung pakyalam na nita king kumidya?” nganang mekibat mwa, gagalgal ning guru ra ring Hermanos ning Venerable Orden Tercera. “King uli na ning kumidya munta la king impyernus ding kalawda, dapot king sermun taglus la banwa. Agyang manyawad ya pang libu bayaran miya at pasalamat ke pa . . .”
"King makananu mang bage maki matulid kayu 1” nganang mekibat ning pildsopo. “Para kanaku makatula kung daramdaman ing aral kesa king kumidya.”
“Aku naman isanu man kanyan e ku katulan,” nganang memyus ning kasabi na.
"Paniwalan ku, uling nung makananu meng ayntindyan ing metung makanyan ya naman ing metung para keka.”
At ing e maniwala meko ya at e na pikabyang itang kaumisan at ing sasabya'nang masunggit a guru king malungkut nang bye daratang.
Kabang panayan de ing Alkalde, ding tau mipapawas la at manuyab alang patugut ing pepe karing abaniku, karing kupya at panyu; sasyo la’t kikyak ding anak a pagkasakitan dang papalwal king kapilya ring munisilyus. Iti ing gugutgut king kaysipa'na ning payat a guru ning Cofradia ning Santisimo Rosario.
"Bustan yong lumapit kaku ring anak,” ngana ning Ginu tang Jesucristo, tutu pin sa, dapot king buri nang sabyan ding anak a e kikyak.”
Ing metung a matwang babaing makasulud ginggun, ing Hermana Puti ngana king apu na, anak a maki anam a banwa a makasiklod siping na:
"Alang Dyos a katawan, magdatu’na ka uling damdam kang aral a kalupa ning king Byernes Santo!”
Kindut ne at migising ya lub ing anak a mipangisngis tinilus ne ing pambuk na saka no kilurun ding kayang kile.
Ding mapilan a lalaki a makatimpu mitutundu la siping ding pipangumpisalan. Ing metung a matwang lalaki uli ning mamatukba ya bala’na ning matwang babai ing mangadi ya inya piragli neng diklut ing rosaryu at binilang no ring butil na uling iti ya ing magalang a paralan king pamanupad king utus ning banwa
