é mitawaran nung mipaintulut yang gamitan ing kasebya’na
ning metung a tindahan. Iting makabitasang
alaga malyari yang mitas dapot e ne mabawas. Anti
mu rin kareting habito, atin pang aliwang pisasali ra
ketang mesabing kumbintu ampon king monasteryo
ning Santa Clara, a subali king makapasubaling
grasyang munye dakal a indulgensya karing mete a
makapiblas kareti, atin pang lalung makapasubaling
grasyang lalu lang maula nung kapilan la lalung luma,
masira, ampon e na magamit. Susulat mi iti ban abalu
na ning banal a talabasa nung bisa yang mikayatin
kareting sagradung relikya, 6 ing tosung talapanipun
basan Europa bisa yang misalapi idala na Pilipinas ing
balabalutan a habitong masulsi at matagpi pablasang
mikakayalaga lang labing anam a pesus o maigit pa,
agpang ketang nung makananu lang lalung lusuk a kasiran.
I'San Diego de Alcala makasake ya king metung a karong penagaulan pilak. Iting santo a binang payat, misna yang kaputi at maki anyung mabagsik at matas bistaman makipalolo ya bwak a kulut anti mo ing karing baluga. Ing piblas na satin a pemaltakan gintu.
Ing kekatamung kagalangalang a Padre San Francisco ya ing tutuki, kaybat ing Birhen a yanti mo ing napun, ya mu itang ing paring atyu lalam ning palyo ngeni ya ing Padre Salvi at aliwa ing matikding Padre Sybila a makayaliwa pangilus. Dapot nung tutu mang ing mumuna kulang ya man king malagung pangimut, lalabis ne man king kabanalan, lalakad yang makapabukut, makababa panlalawe, at miraraup a gamat king anyung makabaldugan. Ding magdala king palyo ila naman ding cabeza de barangay, mipapawas matula pauli ning anti la na mang sakristan, talapanyingil bwis, talapanyaklung ding malukang makasalanan, at uli nita kristo mu namang patulu king karelang daya pauli ning sala ring aliwa.
Ing makamaputing kayadwangan a sakristan lipatlipat ya karing karo, magdalang insensaryo a king banglu na niti parasa'ne ning kura, at iti naman kanita lalu yang maging mahinhin at kalangalangnan a yanyu.
Makanyan lalakad ing limbun banayad at patuknangtuknang king pamage ring bomba, kanta, at tigtigan, relihyoso a papalwal ding bandang musikus a tutuki gulut ding balang karo.. King mitmung sipag,
