Padre Damaso daralung ya pauli ning sakit akmulan a
ikwa na king benging milabasan: pauli ning kaybar
uang ginale mapilan a kantong masaya mengan yang
atlung basong sorbete at munta king pyalben sinaguli.
Pauli na niti, birya’na ing e na pa ya ing maging
talapasiwala ning Dyos karing tau, dapot pauli ning alang
mayakit a yaliwang mekabalu king bye na at milagrong
San Diego — ing kura ya mu ing makibalu, ya ing tutu,
subali pa king ya ing dapat dikil — ding aliwang relihyoso
mikakametung lang ing siwala nang Padre Damaso
e malyaring labisan at maragul a masayang ing e ne
ibigkas itang maulagang panaral a sidya na na at pegaralan.
Pauli na niti, ing matwang talasuyu na sidya na
neng limonada, inagud na ne salu at batal king pakapali
ampon laru, binalut na ne king mapaling imalan
ampon aliwa pa. Ing Padre Damaso minum yang ebun
a sagiwang sebulan king alak, at king kabilugan a
yabak e ya migsalita at mengan; halus minum ya
mung metung a basung gatas, metung a tasang suklati
ampon dosenang biskotso, sikwil na neng mitmung tetagan
ing pritu nang manuk ampon ing kapitnang
kesong Laguna balang abak, pablasang, agpang king
ama, ing manuk ampon ing keso atin lang asin at grasa
a malyaring makapauli king kuku.
"Ing sabla ban maging bage tamu king banwa at manibayu tamu!” ngarang manyabing mitmung pamagmulala ring Hermanas de la Venerable Or den Tercera inyang mipabalwan la kareting pamagpakasakit.
"Ing Virgen de la Paz parusa’ne!” ngarang bubulung ding Hermanas del Santisimo Rosario a é malyaring mamatawad kaya pauli ning maghilig ya king nayun ding karelang kaligligan.
"A las ocho y media linwal ing limbun lalam nang lilung ning bungbung a Iona. Ya naman ing anti ing napun, nung atin mang mibayu: ing pamikakapatad ning Venerable Orden Tercera ding mangatwa, a ngeni pangatawanan ding mangatwa ampon anak a pakapiblas matwa, king pyugalyan a habitong ginggun; ding pakakalulu king karaniwan mung tela, ding mayakayan, king seda o king ginggun a yawsan dang pranciskano, uling yang gagamitan ding Reverendos Frailes Franciscanos. Itang sablang sagradong habitong pawang tune uling menibatan king kumbintu Menila nung nu ing balen akwa nang anti mong Jimus king alagang
