ing Hermano Mayor memamye yang kandila a ring
dakal karing sinulu inuli ra bale at ganap gamitan king
apat a benging sugal. Misnang kabanalan, ding ma
mamanalbe pesisiklaud la inyang lumabas ya ing karo
ning Indu ning Dyos at pengadyan dong mitmung panamdam
ding credos at salves.
Arap ning metung a bale a nung kaysanu awang ating pakatoto mangasanting a panagaula, makatando ya ing alkalde, i'Kapitan Tiago, i'Maria Clara, i’lbarra, mapilan a espanyol at senyorita, tinuknang ya ing karo; ing Padre Salvi atas no ring kayang panlalawe dapot é ya mikananu mang kilns a pamamugc o pawatig akilala na la; tinalakad ya mung matulid at ing kayang kapa mebaldug yang manayun karing kayang pago.
King dalan, lalam ning awang, ating metung a ka yanakan a malagu, masigla piblas, darala ne karing kayang gamat ing metung a yanak. Mekad metung ya mung maningat pablasang ing anak maputi ya at malare kabang ya komanggi ya at ing bwak na matuling pa king asabatse.
Inyang akit ne ing kura, ginong no ring mangalati nang gamat at meyli ya ketang ayli ning kealan malit a é makapauli king lungkut at e na pepauli niti, at kinulait papatludpatlud pilatan ding mangakuyad a katahimikan : "Pa...pa! Papa! Papa!”
Ing babai mengaligkig ya, tekap neng malagwa king asbuk ning anak ing metung nang gamat at milai yang anting tatakut. Ing anak kinyak yang masikan.
Detang mangarok a lub mikikindatan la, at ding espanyol a menakit ketang bage sinaguling merapat tiniman la, kabang ing katutubu nang putla ning Padre Salvi myalilan king lutu.
Makanyan man, ding tau migkamali la: ing kura e ne balu man itang babai, pablasang ita metung yang bayung datang ketang balen.
